ރާއްޖެ
ކަނޑުމަތީ އެކްސިޑެންޓް
އެމްއޭސީއެލްގެ ފެރީ އަކާއި ދޯންޏެއް އެކްސިޑެންޓްވެ، ބޮޑެތި ގެއްލުންތަކެއް ވެއްޖެ
އެކްސިޑެންޓްގައި އެކަކަށް އަނިޔާވެފައިވޭ
މުޙައްމަދު ޒާހިރު, ރާއްޖެ އެމްވީ | 19 އެޕްރީލު 2018 | ބުރާސްފަތި 04:01
އެމްއޭސީއެލްގެ މުވައްޒަފުން އުފުލާ ފެރީ އާ ކަންނެލި ދޯންޏެއް ޖެހި ހިނގި އެކްސިޑެންޓްގައި އެމްއޭސީއެލްގެ ފެރީ އަށް ގެއްލުންވެފައި
މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ފެރީއަކާއި ކަންނެލި ދޯންޏެއް ޖެހި އެކްސިޑެންޓެއް ހިނގައި، ބޮޑެތި ގެއްލުންތަކެއް ވެއްޖެއެވެ.
ބުދަ ދުވަހުގެރޭ 07:30 ހާއިރު ހިނގި މިއެކްސިޑެންޓްގައި އެމްއޭސީއެލްގެ މުވައްޒަފުން އުފުލާ ފެރީ ދޯންޏަށް ބޮޑެތި ގެއްލުންތަކެއް ވެފައިވާއިރު، މި އެކްސިޑެންޓްގައި އެކަކަށް އަނިޔާވެފައިވާ ކަމަށް ޚަބަރުލިބެއެވެ. އެހެން ނަމަވެސް އަނިޔާވި މީހާގެ ހާލު ސީރިއަސް ނޫން ކަމަށް މައުލޫމާތު ލިބެއެވެ.
މި އެކްސިޑެންޓްގެ މައުލޫމާތު ފުލުހުންނަށް ލިބިފައިވަނީ ބުދަ ދުވަހުގެރޭ 07:40 އެހާއިރު ކަމަށާއި، މޯލްޑިވްސް ޕޮލީސް ސަރވިސް އިން ބުނެއެވެ.
