ކޮވިޑް-19 ރާއްޖޭގައި ފެތުރެމުންދާތީ ރައްކާތެރިކަމުގެ ފިޔަވަޅު އެޅުމުގެ ގޮތުންނާއި ކޮންމެހެން ދޭންޖެހޭ ޚިދުމަތްތައް މެދުނުކެނޑި ފޯރުކޮށްދިނުމަށްޓަކައި މޯލްޑިވްސް ކަސްޓަމްސް ސަރވިސް އިން ދެމުން ގެންދާ ޚިދުމަތްތަކަށް ބަދަލު ގެނެސްފި އެވެ.
ކަސްޓަމްސް އިން ކޮށްފައިވާ އިއުލާނެއްގައި ބުނެފައިވަނީ މާރިޗް 18 ވަނަ ދުވަހުން ފެށިގެން ތިރީގައި ބަޔާން ކޮށްފައިވާގޮތަށް ކަސްޓަމްސްގެ މަސައްކަތު ގަޑިތަކަށް ބަދަލު ގެނެސްފައިވާކަމަށެވެ. އެގޮތުން:
އެއަރކާގޯ ޑޮކިއުމެންޓޭޝަން އަދި އެއަރކާގޯ އެގްޒަމިނޭޝަން:
ހެނދުނު 06:00 އިން މެންދަމު 01:30 އަށް
ހަފްތާގެ ހުރިހާ ދުވަހަކު
ސީކާގޯ ޑޮކިއުމެންޓޭޝަން އަދި ސީކާގޯ އެގްޒަމިނޭޝަން:
ހެނދުނު 08:00 އިން ރޭގަނޑު 20:00 އަށް
ހުކުރު ދުވަސް ބަންދު
ހުޅުމާލެ ސީކާގޯ އެގްޒަމިނޭޝަން:
ހެނދުނު 08:00 އިން ރޭގަނޑު 20:00 އަށް
ހުކުރު ދުވަސް ބަންދު
ރައްޔިތުންނަށް ކޮންމެހެން ދޭންޖެހޭ ހިދުމަތްތައް މެދުނުކެނޑި ދިނުމަށް ބޭނުންވާ އެންމެ މަދު އަދަދެއްގެ މުވައްޒަފުން މަސައްކަތަށް ނެރެގެން ހިދުމަތްދެވޭނެ ގޮތަށް ސަރުކާރުން ނިންމުމާ ގުޅިގެން ގިނަ ކުންފުނިތަކާއި ތަންތަނުން އަންނަނީ އެގޮތަށް މަސައްކަތުގެ ގަޑިތަކަށް ބަދަލު ގެންނަމުންނެވެ.
