ކޮވިޑް-19 އާ ގުޅިގެން ޤާނޫނާއި ގަވާއިދުގެ އިމުން ބޭރުން ކޮންޓެންޓް ގެނެސްދޭނަމަ ފިޔަވަޅު އަޅާނެ: ބްރޯޑްކޮމް
16 މާރިޗު 2020 | ހޯމަ 13:23ބްރޯޑްކޮމް އިން ބުނީ ބްރޯޑްކާސްޓަރުން ގެންނަ ކޮންޓެންޓް ކޮމިޝަނުން ވަރަށް ގާތުން މޮނިޓަރކުރަމުން ގެންދާނެކަމަށް
ބްރޯޑްކޮމްގެ މެމްބަރުން
ރައްޔިތުންގެ މެދުގައި ނުތަނަވަސްކަން އުފެދޭ ގޮތަށް ކޮވިޑް-19 އާއި ގުޅޭ މަޢުލޫމާތު ނުފެތުރުމަށާއި މިހައްސާސް ދަނޑިވަޅުގައި ބްރޯޑްކާސްޓަރުން ގެނެސްދޭ ކޮވިޑް -19 އާ ގުޅޭގޮތުން ޤާނޫނާއި ގަވާއިދުގެ އިމުން ބޭރުން ކޮންޓެންޓް ގެނެސްދޭ ބްރޯޑްކާސްޓަރުންނާ މެދު ފިޔަވަޅު އަޅާނެ ކަމަށް ބްރޯޑްކޮމް އިން ބުނެފި އެވެ.
ބްރޯޑްކޮމް އިން ބުނީ ބްރޯޑްކާސްޓަރުން ގެންނަ ކޮންޓެންޓް ކޮމިޝަނުން ވަރަށް ގާތުން މޮނިޓަރކުރަމުން ގެންދާނެކަމަށެވެ. އަދި ދިވެހިރާއްޖޭގައި ސިއްޙީ ކުއްލި ނުރައްކަލުގެ ޙާލަތު އިޢުލާން ކޮށްފައިވާ މިދަނޑިވަޅުގައި، ޢާންމުންގެ މެދުގައި ހާސްކަމާއި ނުތަނަވަސްކަން އުފެދޭ ގޮތަށް ސާބިތު ނުހިފޭ މަޢުލޫމާތު ގެނެސްދިނުމުން އެއްކިބާވުމަށް ބްރޯޑްކޮމް އިން ވަނީ ބްރޯޑްކާސްޓަރުންނަށް އިލްތިމާސްކޮށްފަ އެވެ. އަދި މިކަމާ ގުޅޭ އެންމެހައި ކޮންޓެންޓް ގެނެސްދިނުމުގައި ޒިންމާދާރު ނޫސްވެރިކަން ކުރިއަށް ނެރުމަށް ބްރޯޑްކާސްޓަރުންނަށް އިލްތިމާސްކުރާކަމަށްވެސް ކޮމިޝަނުން ބުނެއެވެ.
މީގެއިތުރުން، ކޮވިޑް -19 އާއި ބެހޭ ގޮތުން މަޢުލޫމާތު ގެނެސްދިނުމާއި މަޢުލޫމާތު ފޯރުކޮށްދިނުމުގައި އަންނަނިވި ކަންތައްތަކަށް ޚާއްސަ ސަމާލުކަމެއް ދިނުމަށް ވެސް ކޮމިޝަނުން އިލްތިމާސްކުރެއެވެ. އެކަންކަމަކީ:
މީގެއިތުރުން، ކޮވިޑް-19 ގެ މަޢުލޫމާތުތައް ވީހާވެސް އަވަހަށް، ފަސޭހަކަމާއި ހަމަހަމަކަމާއެކު ހުރިހާ ބްރޯޑްކާސްޓަރުންނަށް ފޯރުކޮށްދިނުމަށް ކަމާބެހޭ އިދާރާތަކަށް ބްރޯޑްކޮމް އިން ވަނީ އިލްތިމާސްކޮށްފަ އެވެ. އަދި ބްރޯޑްކާސްޓަރުންނަށް ކޮމިޝަނުން ދޭންޖެހޭ އެއްބާރުލުމާއި އެހީތެރިކަން ދޭނެ ކަމަށްވެސް ބްރޯޑްކޮމް އިން ވަނީ ބުނެފަ އެވެ.
