ޑަބްލިއުއެޗްއޯއިން ރާއްޖެއަށް 5000 ޓެސްޓް ކިޓް ހަދިޔާކޮށްފި
15 މާރިޗު 2020 | އާދީއްތަ 11:20ޓެސްޓް ކިޓްތައް ހަވާލުކޮށްފައިވަނީ އާދިއްތަ ދުވަހު
ޑަބްލިއުއެޗްއޯއިން ރާއްޖެއަށް 5000 ޓެސްޓް ކިޓް ހަވާލުކުރުމުގެ އެއްބަސްވުމުގައި ސޮއިކުރުން
ކޯވިޑް-19 އަށް ޓެސްޓް ކުރެވޭ 5000 ކިޓް ދުނިޔޭގެ ސިއްޚަތު ޖަމުއިއްޔާ ޑަބްލިއުއެޗްއޯ އިން ހަދިޔާކޮށްފިއެވެ.
ނެޝަނަލް އެމެޖެންސީ ރެސްޕޮންސް ސެންޓަރ ގައި އާދިއްތަ ދުވަހު ބޭއްވި ރަސްމިއްޔާތެއްގައި ކިޓްތައް ހަވާލުކުރުމުގެ އެއްބަސްވުމުގައި ދިވެހިރާއްޖޭގެ ފަރާތުން ސޮއިކުރެއްވީ ހެލްތް މިނިސްޓަރ އަބްދުﷲ އަމީން އެވެ.
ޑަބްލިއުއެޗްއޯގެ ފަރާތުން ސޮއިކުރެއްވީ ޑަބްލިއުއެޗްއޯއިން ދިވެހިރާއްޖެއަށް ކަނޑައަޅުއްވާ ހުންނަވާ ރިޕްރެޒެންޓެޓިވް ޑރ. އަރުވިންދު މާތުރު އެވެ.
މި ރަސްމިއްޔާތުގައި ވާހަކަ ދައްކަވަމުން މިނިސްޓަރު އަމީން ވިދާޅުވީ ޓެސްޓްކުރުމުގެ ކެޕޭސިޓީ އިތުރުކުރުމާއި ގާބިލްކަންފުޅާ ކުރުމުގެ މަސައްކަތް ކުރަމުންދާ ކަމަށެވެ.
މި ރަސްމިއްޔާތުގައި ވާހަކަ ދައްކަވަމުން ޑރ. އަރުވިންދު ވިދާޅުވީ ކޯވިޑް-19 އަށް ރާއްޖެއިން މަސައްކަތް ކުރަމުންދަނީ ޑަބްލިއުއެޗްއޯއިން ކަނޑައަޅާފައިވާ ގައިޑްލައިނާ އެއްގޮތަށް ކަމަށެވެ.
ކޮވިޑް-19 އަށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގެ ލެބޯރްޓަރީގައި ޓެސްޓުކުރެވެ އެވެ. ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ވަނީ މީގެ ކުރިން 1000 މީހުންނަށް ޓެސްޓު ހެދޭ ވަރަށް ކިޓް ރާއްޖެއަށް ހަދިޔާކޮށްފައެވެ.
