ކޮވިޑް-19: އަނަންތަރާ އިން ވައިރަހަށް ޝައްކުކުރެވޭ މީހަކު ޓެސްޓު ކުރަނީ
އެކަހެރިކޮށްފައިވަނީ ބިދޭސީއެއް
ރާއްޖެ ކޮވިޑް-19 އަށް ތައްޔާރުވުމުގެ ގޮތުން ކުރިޔަށް ގެންދިޔަ އެމެޖެންސީ ޑްރިލްއެއްގެ ތެރެއިން
އަނަންތަރާ ދިގު މޯލްޑިވްސް ރިސޯޓުން ކޮވިޑް-19 އަށް ޝައްކުކުރެވޭ މީހަކު ޓެސްޓު ކުރުމުގެ މަސައްކަތް ކުރަމުންދާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ބުނީ ކޮވިޑް-19 އަށް ޝައްކުކުރެވޭ އަލާމާތްތައް ފެނިގެން އަނަންތަރާ ދިގު މޯލްޑިވްސް ރިސޯޓުން ބިދޭސީއެއް އެކަހެރި ކޮށްފައިވާ ކަމަށެވެ.
އަދި އެމީހާގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރިއަށްދާ ކަމަށާއި ޓެސްޓުގެ ނަތީޖާ ލިބެންދެން އެ މީހާ ރިސޯޓުގައި އެކަހެރި ކުރެވިފައިވާ ކަމަށް އެޗްޕީއޭ އިން ބުންޏެވެ.
އަނަންތަރާ ދިގު މޯލްޑިވްސް ރިސޯޓުން ވައިރަހަށް ޝައްކުކުރެވޭ މީހަކު ޓެސްޓު ކުރުމުގެ މަސައްކަތް ކުރަމުންދާއިރު ކޮވިޑް-19 އަށް ޕޮޒިޓިވްވި މީހަކާ ކޮންޓެކްޓްވި 2 ބިދޭސީއެއް ސިކްސް ސެންސަސްގައި އައިސޮލޭޓްކޮށް މޮނިޓަރކުރަން ވެސް ވަނީ ފަށާފައެވެ.
