ކޮވިޑް-19: ކުރަމަތި ރިސޯޓުގެ ދިވެހި މުވައްޒަފަކު ވައިރަސްއަށް ޓެސްޓްކުރަނީ
10 މާރިޗު 2020 | އަންގާރަ 14:56ރަށަށް އެރުމާއި ފޭބުން ވަނީ މަނާކޮށްފައި
ރާއްޖެއިން ކޮވިޑް-19 އަށް ތައްޔާރުވުމުގެ ގޮތުން ކުރިޔަށް ގެންދިޔަ ޑްރިލްއެއްގެ ތެރެއިން
އއ. އަތޮޅުގައި ހިންގަމުން އަންނަ ކުރަމަތި އައިލެންޑް ރިސޯޓުއި މަސައްކަތްކުރާ ދިވެއްސެއް ކަރަންޓީނު ފެސިލީޓީއަސް ގެންދިޔުމުގެ މަސައްކަތް ކުރަމުންދާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން ކޮށްފައިވާ ޓްވީޓެއްގައި ބުނީ، ކޮވިޑް-19 އަށް ޕޮޒިޓިވް ވެފައިވާ މީހަަކާ ''ކޮންޓެކްޓް'' ވުމުގެ ސަބަބުން ރައްކާތެރި ފިޔަވަޅެއްގެ ގޮތުގައި އެ ރިސޯޓުގައި މަސައްކަތްކުރާ ދިވެއްސެއް ކަރަންޓީނު ފެސިލިޓީއަކަށް ގެންގޮސް ޓެސްޓް ކުރުމުގެ މަސައްކަތް ކުރަމުންދާ ކަމަށެވެ. އެ ރިސޯޓުގައި މަސައްކަތްކުރާ ދިވެހި މުވައްޒަފަކު ވައިރަސްއަށް ޓެސްޓްކުރުމުގެ މަސައްކަތް ފަށާފައިވާއިރު، އެ ރަށަށް އެރުމާއި ފޭބުންވެސް ވަނީ ވަގުތީ ގޮތުން މަނާކޮށްފައެވެ.
ރާއްޖެއިން މިހާތަނަށް 6 މީހަކު ކޮވިޑް-19 އަށް ވަނީ ޕޮޒިޓިވްވެފައެވެ. އެ އެންމެންނަކީވެސް ބިދޭސީންނެވެ. އެ މީހުންނަށް ފަރުކޮޅުފުށީގައި ކަރަންޓީނުކޮށް ފަރުވާދެމުންދާ ކަމަށާއި، އެ މީހުން ޙާލު ރަނގަޅު ކަމަށް އެޗްޕީއޭއިން ވަނީ ބުނެފައެވެ.
