ބަތަލާ އައިލަންޑް ރިސޯޓުވެސް ލޮކްޑައުންކޮށްފި
7 މާރިޗު 2020 | ހޮނިހިރު 20:50ޗުއްޓީ ހޭދަ ކުރަމުން ދިޔަ އިޓަލީވިލާތުގެ ފަތުރުވެރިއެއްގެ ކިބައިން ވައިރަސްއަށް ޝައްކު ކުރެވޭ އަލާމާތްތަކެއް ފެނިފައިވޭ
ބަތަލާ އައިލަންޑް ރިސޯޓު
އަރިއަތޮޅު ދެކުނުބުރި، ސޭންޑީޒް ބަތަލާ އައިލަންޑް ރިސޯޓް "ލޮކްޑައުން" ކޮށްފިއެވެ.
އެކަމާ ގުޅޭގޮތުން ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ބަތަލާ އައިލަންޑް ރިސޯޓުގައި ޗުއްޓީ ހޭދަ ކުރަމުން ދިޔަ އިޓަލީވިލާތުގެ ފަތުރުވެރިއެއްގެ ކިބައިން ކޮވިޑް-19 އަށް ޝައްކުކުރެވޭ އަލާމާތްތަކެއް ފެނިގެން މޮނިޓަރކުރުމާއި، ޓެސްޓު ހެދުމުގެ މަސައްކަތް ކުރިއަށްދާ ކަމަށެވެ.
އެގޮތުން ޝައްކު ކުރެވޭ މީހަކު ފެނުމުން އަމަލު ކުރަން އޮންނަގޮތުގެ މަތިން އެރަށަށް އަރައި ފައިބާ ހެދުން ވަގުތީ ގޮތުން ހުއްޓާލާފައިވާ ކަމަށާއި، މިކަމުގެ އިތުރު މައުލޫމާތު ޙިއްސާ ކުރާނެ ކަމަށް އެޗްޕީއޭއިން ވަނީ ބުނެފައެވެ.
ބަތަލާ އައިލެންޑް ރިސޯޓް ލޮކްޑައުން ކޮށްފައިވާއިރު، ވައިރަސްގެ އަލާމަތްތައް ހުރި މީހަކު ފެނުމުގެ ސަބަބުން ހޮނިހިރު ދުވަހު ސަމަރ އައިލެންޑް ރިސޯޓްވެސް ވަނީ ލޮކްޑައުން ކޮށްފައެވެ.
