ބިގްމޭން ކެފޭގައި ރޯވެ އެކަކު ފިހިއްޖެ
2 މާރިޗު 2020 | ހޯމަ 06:37ކެފޭގެ ބަދިގެއަށް ބޮޑެތި ގެއްލުންތަކެއް ލިބިފައިވެ
އަލިފާން ކޮންޓްރޯލް ކުރުމަށް އެމްއެންޑީއެފް ފަޔަރ އެންޑް ރެސްކިއު އިން ހަރަކާތްތެރި ވަނީ
ޗާންދަނީ މަގުގައި ހުންނަ ބިގްމޭން ކެފޭގައި ރޯވެ އެކަކު ފިހިއްޖެއެވެ.
މީޑިއާތަކަށް މަޢުލޫމާތު ދެމުން އެމްއެންޑީއެފުން ބުނެފައިވަނީ، ޗާންދަނީ މަގުގައި ހުންނަ "ބިގް މޭން އެންޑް ކޯ" ކެފޭގެ ބަދިގޭގައި އަލިފާނުގެ ޙާދިސާއެއް ހިނގައިގެން އުޅޭކަމުގެ ރިޕޯޓު ލިބިފައިވަނީ ހޯމަ ދުވަހުގެ ހެނދުނު 8:00 ހާއިރުކަމަށެވެ.
އެމްއެންޑީއެފް ފަޔަރ އެންޑް ރެސްކިއު އިން ޙާދިސާގެ ރިޕޯޓު ލިބުނުތާ 30 މިނިޓް ތެރޭގައި ކޮންޓްރޯލްކޮށްފައިވާއިރު، އަލިފާނުގެ ޙާދިސާގައި ފިހިގެން ބިދޭސީއަކަށް އައިޖީއެމްއެޗް ހޮސްޕިޓަލުގައި ދަނީ ފަރުވާދެމުންނެވެ. މި ޙާދިސާގައި ކެފޭގެ ބަދިގެއަށް ބޮޑެތި ގެއްލުންތަކެއް ލިބިފައިވެއެވެ.
އެމްއެންޑީއެފުން ބުނެފައިވަނީ، ޙާދިސާ ހިނގަން މެދުވެރިވި ސަބަބު އިތުރަށް ބަލަމުންދާކަމަށެވެ.
