ދުނިޔޭގައި ހުރި އެންމެ ދުވަސްވީ މީހާކަމުގައިވާ ޗިޓެސްޓްސޫ ވަތަނަބޭ، އުމުރުން 112 އަހަރުގައި މަރުވުމާއި ގުޅިގެން ދުނިޔޭގެ އެންމެ އުމުރުން ދުވަސްވީ މީހާގެ ލަގަބު ސަދަރން އިންގްލޭނޑްގެ ހޭމްޕްޝެއަރ މީހަކަށް ލިބޭނެކަމަށް ރިޕޯޓުތައް ބުނެފިއެވެ.

ދުނިޔޭގައި ހުރި އެންމެ ދުވަސްވީ މީހާކަމަށް ދުނިޔެގޭ ރިކޯޑް ފޮތުން ޗިޓެސްޓްސޫ ވަތަނަބޭއަށް ޖާގަ ލިބިފައިވަނީ މި ފެބްރުއަރީ މަހުގެ 12 ވަނަ ދުވަހުގައެވެ އެވެ. އޭނާ މަރުވެފައިވަނީ ފެބްރުއަރީ މަހުގެ 23 ވަނަ ދުވަހު އެވެ. މީޑިއާ ރިޕޯޓުތައް ބުނާގޮތުން އޭނާގެ މަރާއި ގުޅިގެން ދުނިޔޭގެ އެންމެ ދުވަސްވީ މީހާގެ ގޮތުގައި ހޭމްޕްޝެއަރ އަށް ނިސްބަތްވާ އުމުރުން 111 އަހަރުގެ ބޮބް ވެއިޓަން ދުނިޔޭގެ އުމުރުން ދުވަސްވީ މީހާގެ ގޮތުގައި ކަށަވަރުކުރުމުގެ މަސައްކަތް ކުރަމުންދާކަމަށެވެ. އަދި ބެލެވޭ ގޮތުގައި އެ ރިކޯޑް ލިބޭނީ އޭނާއަށެވެ. ބޮބް އުފަންވެފައިވަނީ 29 މާރޗް 1908ގައެވެ.

މިކަމާއި ގުޅިގެން ގިނިސް ވޯލްޑް ރެކޯޑްސްގެ ސްޕޯކްސްމަން އެއް ވަނީ އެ ރެކޯޑް ލިބޭނެ ފަރާތެއް ހޯދުމަށް އިންވެސްޓްޓިގޭޓް ކުރަމުންދާކަމަށް ބުނެފައެވެ. އަދި އިތުރު މައުލޫމާތު އެކަން ޔަގީންކުރުމަށް ފަހު އެމީހަކަށް އެ ސެޓިފިކެޓް ހަވާލުކުރާ ދުވަހު އަރުވާނެކަމަށްވެސް ވަނީ ބުނެފައެވެ.

ބޮބް މީޑިއާތަކަށް ބުނެފައިވަނީ އެ ލަގަބު ލިބުނަސް އުފާނުވާނެ ކަމަށާއި އޭގެ މާނައަކީ ކުރިން އެ ލަގަބު ލިބިފައިވާ މީހާ މަރުވެއްޖެ ކަމަށެވެ. އޭނާ ބުނެފައިވަނީ ދުނިޔޭގެ ގިނަ ދުވަހު ހުރުމަށް ވަކި މަސައްކަތެއް ނުކުރާ ކަމަށާއި އޭނާއަށް އެ މަގާމު ލިބިއްޖެނަމަ އެއީ އިއްތިފާގެއް ކަމަށެވެ. ބޮބް ވެއިޓަންގެ 2 ފިރިހެން ދަރިންނާއި އެއް އަންހެން ދަރިއަކު ހުރެއެވެ. އަދި ކާފަ ކިޔާ 10 ދަރިން ތިބޭއިރު މުނިކާފަ ކިޔާ 25 ކުދިން ތިބެއެވެ.