ހައްގުތައް ހޯދައިދިނުމަށް މަސައްކަތްކުރި ތާރީހު ދުށް ވަޒީރަކީ އަލީ ވަހީދު!
ވަރަށް ގިނަ ވަޒީރުންގެ މަސައްކަތް ވަނީ ފެނިފައި
މެމްބަރު ޖާބިރު މިނިސްޓަރު އަލީ ވަހީދުއާ ބައްދަލުކުރައްވަނީ
ޓޫރިޒަމް މިނިސްޓަރު އަލީ ވަހީދުއަށް ކާށިދޫ ދާއިރާގެ މެމްބަރު އަދި ޑީއާރްޕީގެ ލީޑަރު އަބްދުﷲ ޖާބިރުގެ ވަރަށް ބޮޑަށް ތައުރީފް ކުރައްވައިފިއެވެ.
މެމްބަރު ޖާބިރުއަކީ ރާއްޖޭގައި ޒަމާންތަކެއްވަންދެން ރިސޯޓު ވިޔަފާރިކުރާ ވިޔަފާރިއެއްކަން ފާހަގަކުރައްވައި އެމަނިކުފާނު ވިދާޅުވީ ވަރަށް ގިނަ ވަޒީރު ދެކިފައިވާ ކަމަށެވެ.
މެމްބަރު ޖާބިރު ވިދާޅުވީ ސިޔާސީ ފިކުރަށް ބެލުމެއްނެތި ކޮންމެ މީހެއްގެ ހައްގުތައް ހޯދައިދިނުމަށް މަސައްކަތްކުރާ ތާރީހު ދުށް ވަޒީރަކީ އަލީ ވަހީދު ކަމަށެވެ.
މެމްބަރު ޖާބިރު މިނިސްޓަރު އަލީ ވަހީދަށް ވަރަށް ބޮޑަށް ތައުރީފްކުރައްވާފައިވަނީ އަލީ ވަހީދު ކަމަށް ބެލެވޭ މީހަކު ވާހަކަދައްކާފައިވާ އޯޑިތަކެއް ލީކްވެފައިވާ ދަނޑިވަޅެއްގައެވެ. އެހެންކަމުން ގިނަ ބައެއްގެ ފާޑު ކިޔުން މިނިސްޓަރު އަލީ ވަހީދަށް މިހާރު ވަނީ އަމާޒުވެފައެވެ.
