ހުކުރު 30 އޮކްޓޯބަރ 2020
13 ހެއި
1442 ރަބީއުލް އައްވަލް 13
ފަތިސް 04:36
އިރުއަރާ 05:49
މެންދުރު 11:54
އަސްރު 15:11
އިރުއޮއްސޭ 17:51
އިޝާ 19:04
ނ.ފޮއްދޫ

ފޮއްދޫ ގޮނޑުދޮށް ހިމާޔަތްކުރުމުގެ މަޝްރޫއު އެމްޓީސީސީއާ ހަވާލުކޮށްފި

  • 180 ދުވަހުގެ ތެރޭގައި މަސައްކަތް ނިންމަންޖެހޭ
  • 60 ދުވަހުގެ ތެރޭގައި އީއައިއޭގެ މަސައްކަތް ނިމޭނެ
  • އިރުމަތީފަރާތުގެ ޖެޓީ ކައިރިން 80 މީޓަރ ގެ ގޮނޑުދޮށް ހިމާޔަތް ކުރެވިގެންދާނެ

ކ. މާލެ | 25 ފެބްރުއަރީ 2020 | އަންގާރަ 17:22 | 2,120

އެއްބަސްވުމުގައި ސޮއިކުރި ރަސްމިއްޔާތުގެ ތެރެއިން - ޕްލޭނިން މިނިސްޓްރީ

ނ. ފޮއްދޫ ގޮނޑުދޮށް ހިމާޔަތް ކުރުމުގެ މަޝްރޫއު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮންޕެނީ ޕްބްލިކް ލިމިޓެޑް (އެމްޓީސީސީ)އާ ހަވާލުކޮށްފިއެވެ.

އަންގާރަ ދުވަހު އޮތް ރަސްމިއްޔާތެއްގައި، މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރ ގެ ފަރާތުން މިއެއްބަސްވުމުގައި ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝާން ފާރޫޤުއެވެ. އަދި އެމްޓީސީގެ ފަރާތުން ސޮއިކުރެއްވީ ކުންފުނީގެ ޗީފް އެގްޒެކެޓިވް އޮފިސަރ އާދަމް އާޒިމްއެވެ.

ޕްލޭނިން މިނިސްޓްރީން ބުނީ މިމަޝްރޫއު އެކުންފުންޏާ ހަވާލުކުރީ 7612،602.00 (ހަތް މިލިއަން ހަ ލައްކަ ބާރަ ހާސް ހަ ސަތޭކެ ދޭއް) ރުފިޔާއަށް، 180 ދުވަހުގެ ތެރޭގައި ނިންމާ ގޮތަށްށެވެ. އަދި މިމަސައްކަތަށް 120 ދުވަސް ހޭދަވާއިރު، އީއައިއޭ ހެދުމަށް 60 ދުވަހުގެ މުއްދަތެއް ދީފައިވާ ކަމަށް މިނިސްޓްރީން މައުލޫމާތުދެއެވެ.

މި މަޝްރޫއުގެ ދަށުން ކުރެވޭ މައިގަނޑު މަސައްކަތްތަކަކީ އެރަށުގެ އިރުމަތީފަރާތުގެ ޖެޓީ ކައިރިން 80 މީޓަރުގެ ގޮނޑުދޮށް ހިމާޔަތްކުރުމެވެ. ގޮނޑުދޮށް ހިމާޔަތްކުރުމަށް ބޭނުންކުރެވޭނީ ޖިއޯ ބޭގް ރިވެޓްމަންޓެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.