ފޮއްދޫ ގޮނޑުދޮށް ހިމާޔަތްކުރުމުގެ މަޝްރޫއު އެމްޓީސީސީއާ ހަވާލުކޮށްފި
25 ފެބުރުއަރީ 2020 | އަންގާރަ 12:22180 ދުވަހުގެ ތެރޭގައި މަސައްކަތް ނިންމަންޖެހޭ
އެއްބަސްވުމުގައި ސޮއިކުރި ރަސްމިއްޔާތުގެ ތެރެއިން
ނ. ފޮއްދޫ ގޮނޑުދޮށް ހިމާޔަތް ކުރުމުގެ މަޝްރޫއު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮންޕެނީ ޕްބްލިކް ލިމިޓެޑް (އެމްޓީސީސީ)އާ ހަވާލުކޮށްފިއެވެ.
އަންގާރަ ދުވަހު އޮތް ރަސްމިއްޔާތެއްގައި، މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރ ގެ ފަރާތުން މިއެއްބަސްވުމުގައި ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝާން ފާރޫޤުއެވެ. އަދި އެމްޓީސީގެ ފަރާތުން ސޮއިކުރެއްވީ ކުންފުނީގެ ޗީފް އެގްޒެކެޓިވް އޮފިސަރ އާދަމް އާޒިމްއެވެ.
ޕްލޭނިން މިނިސްޓްރީން ބުނީ މިމަޝްރޫއު އެކުންފުންޏާ ހަވާލުކުރީ 7612،602.00 (ހަތް މިލިއަން ހަ ލައްކަ ބާރަ ހާސް ހަ ސަތޭކެ ދޭއް) ރުފިޔާއަށް، 180 ދުވަހުގެ ތެރޭގައި ނިންމާ ގޮތަށްށެވެ. އަދި މިމަސައްކަތަށް 120 ދުވަސް ހޭދަވާއިރު، އީއައިއޭ ހެދުމަށް 60 ދުވަހުގެ މުއްދަތެއް ދީފައިވާ ކަމަށް މިނިސްޓްރީން މައުލޫމާތުދެއެވެ.
މި މަޝްރޫއުގެ ދަށުން ކުރެވޭ މައިގަނޑު މަސައްކަތްތަކަކީ އެރަށުގެ އިރުމަތީފަރާތުގެ ޖެޓީ ކައިރިން 80 މީޓަރުގެ ގޮނޑުދޮށް ހިމާޔަތްކުރުމެވެ. ގޮނޑުދޮށް ހިމާޔަތްކުރުމަށް ބޭނުންކުރެވޭނީ ޖިއޯ ބޭގް ރިވެޓްމަންޓެވެ.
