އަންގާރަ 07 އޭޕުރިލް 2020
13 ރޭވަ
1441 ޝައުބާން 14
ފަތިސް 04:50
އިރުއަރާ 06:02
މެންދުރު 12:12
އަސްރު 15:15
މަޣްރިބް 18:15
އިޝާ 19:27
ކުޅިވަރު - ބެޑްމިންޓަން އެސޯސިއޭޝަން އޮފް މޯލްޑިވްސް

ބެޑްމިންޓަން އެސޯސިއޭޝަންގެ ރައީސަކަށް މޫސަ އިންތިހާބުވެވަޑައިގެންފި

  • ހޯމަ ދުވަހުގެރޭ ވަނީ އެ އެސޯސިއޭޝަނުގެ އަހަރީ އާންމު ޖަލްސާގެ އިތުރުން އިންތިހާބުވެސް ބާއްވާފަ
  • މިއީ ބެޑްމިންޓަން އެހެން ހަރުފަތަކަށް ގެންދިޔުމަށް ލިބުނު ފުރުސަތެއް

އަތޫފް އާތިފް
AthifAthoof

ކ. މާލެ | 25 ފެބްރުއަރީ 2020 | އަންގާރަ 16:54 | 1,543

ބެޑްމިންޓަން އެސޯސިއޭޝަނުގެ އޭޖީއެމްގެ ތެރެއިން - ރާއްޖެ އޮންލައިން

ބެޑްމިންޓަން އެސޯސިއޭޝަން އޮފް މޯލްޑިވްސްގެ ރައީސަކަށް މިހާރުވެސް އެމަގާމު ފުރުއްވާ މުސާ ނާޝިދު އިންތިހާބުވެވަޑައިގެންފިއެވެ.

ހެންވޭރު ބޯޅަގޭގައި ހޯމަ ދުވަހުގެރޭ ވަނީ އެ އެސޯސިއޭޝަނުގެ އަހަރީ އާންމު ޖަލްސާގެ އިތުރުން އިންތިހާބުވެސް ބާއްވާފައެވެ.

އިތުރު ކެންޑިޑޭޓަކު ނެތުމުން އަންގާރަ ދުވަހުގެރޭ ބޭއްވި އިންތިހާބުގައި ނެގީ ފެންނަ ނުފެންނަ ވޯޓެކެވެ. އެ އެސޯސިއޭޝަނުގައި 221 ވޯޓު ހިމެނޭއިރު އަންގާރަ ދުވަހުގެރޭ ބޭއްވުނު އިންތިހާބުގައި ބައިވެރިވެފައިވަނީ 194 ފަރާތުންނެވެ. އަދި މޫސަ އަށް އިތުރު ދައުރެއްދޭން 194 ވޯޓު ވަނީ ލިބިފައެވެ. އެ އެސޯސިއޭޝަނުގައި ދެން ހުރި މަގާމްތަކަށް ވެސް ވަނީ ވޯޓު ލައިފައެވެ. އެކަމަކު ފުރިހަމަ އަގުލަބިއްޔަތު ލިބިފައިވަނީ ހަމައެކަނި މޫސަ އަށެވެ.

އެ އެސޯސިއޭޝަނުގެ ނައިބު ރައީސަކަށް ހޮވުނީ މިހާރުވެސް އެމާގު ފުރުއްވަމުން އަންނަ ޝާކިރު މޫސާ އަށެވެ. އޭނާއަށް ވަނީ 192 ވޯޓު ލިބިފައެވެ. މީގެ އިތުރުން ހަޒާންދާރު މުހައްމަދު ރިޝާން (ކެންޓޭ) އަށް ވެސް ވަނީ 192 ވޯޓު ލިބިފައެވެ. އެކްސްކޯގެ ފުރިހަމަ މެމްބަރު ކަމަށް ކުރިމަތިލި ހުސެއިން އާތިފާއި އެކްސްކޯގެ އަންހެން މެމްބަރު ކަމަށް ކުރިމަތިލި މުރުޝިދާ އަބްދުލް މަންނާނަށް ލިބުނީ 193 ވޯޓެވެ.

މާގާމަށް އިންތިހާބު ވުމަށްފަހު މޫސަ ވިދާޅުވީ މިއީ ބެޑްމިންޓަން އެހެން ހަރުފަތަކަށް ގެންދިޔުމަށް ލިބުނު ފުރުސަތެއް ކަމަށާއި ބެޑްމިންޓަން މުޅި ރާއްޖެއަށް ފުޅާކުރުމަކީ އޭނާގެ އަމާޒު ކަމަށެވެ. މީގެ އިތުރުން ރާއްޖޭގެ ކުޅުންތެރިންނަށް ބައިނަލްއަގްވާމީ މުބާރާތްތަކުގެ ވާދަކުރުމުގެ ފުރުސަތު ހޯދައިދިނުމަކީ އޭނާގެ މި ދައުރުގައި އެންމެ އިސްކަންދޭނެ ކަން ކަމަށްވެސް އޭނާ ބުންޏެވެ.

ބެޑްމިންޓަން އެސޯސިއޭޝަނުގެ ރައީސްކަމަށް މޫސަ ދެވަނަ ދައުރަކަށް އިންތިހާބުވެވަޑައިގެންނެވިއިރު އޭނާ އަކީ ދުނިޔޭގެ ބެޑްމިންޓަނުގައި އެންމެ ނުފޫޒުގަދަ ސަރަހައްދީ ޖަމިއްޔާ ކަމަށްވާ ބެޑްމިންޓަން އޭޝިއާގެ ޖެނެރަލް ސެކެރެޓަރީ އެވެ. އަދި އޭނާ އަންނަނީ ސަރަހައްދީ ފެންވަރުގައި ދިވެހި ބެޑްމިންޓަން ކުޅުންތެރިންނަށް ގިނަ ފުރުސަތުތަކެއް ތަނަވަސްކޮށްދެމުންނެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.