ކ. މާލެ
|
22 ފެބްރުއަރީ 2020 | ހޮނިހިރު 15:28
މާޒިޔާ އާއި ބެންގަލޫރު ބައްދަލުކުރި މެޗުގެ ތެރެއިން
މާޒިޔާ އާއި ބެންގަލޫރު ބައްދަލުކުރި މެޗުގެ ތެރެއިން
މާޒިޔާ ސްޕޯރޓްސް ކްލަބް
މާޒިޔާ ސްޕޯޓްސް އެންޑް ރެކްރިއޭޝަން
ބެންގަލޫރާ ދެކޮޅަށް ކުޅޭ މެޗަށް މާޒިޔާ އިންޑިއާއަށް ފުރައިފި
 
ފުރަތަމަ ލެގުގެ މެޗުން މާޒިޔާ ވަނީ 2-1 އިން މޮޅުވެފައި
 
ދެވަނަ ލެގުގެ މެޗު ކުޅޭނީ މި މަހުގެ 26 ވަނަ ދުވަހު

އޭއެފްސީ ކަޕުގެ ޕްލެއި އޯފް ބުރުގެ ދެވަނަ ލެގުގައި އިންޑިއަން ސުޕަރ ލީގުގެ ޗެމްޕިއަން ބެންގަލޫރު އެފްސީއާ ވާދަކުރުމަށް ރާއްޖޭގެ މާޒިޔާ ސްޕޯޓްސް އެންޑް ރެކްރިއޭޝަން ފުރައިފި އެވެ.

މާޒިޔާ ޓީމު އިންޑިއާއަށް ފުރާފައިވަނީ ހޮނިހިރު ދުވަހު އެވެ. ހޮނިހިރު ދުވަހު ބެންގަލޫރަށް މާޒިޔާ ފުރިއިރު، ދެވަނަ ލެގުގައި ބެންގަލޫރާ ދެކޮޅަށް މާޒިޔާ ނުކުންނާނީ އަންނަ ބުދަ ދުވަހު ރާއްޖެ ގަޑިން 19:00 ގައެވެ. މި މެޗު ކުޅޭނީ ބެންގަލޫރުގެ ސްރީ ކަންޓްރީވާ ސްޓޭޑިއަމްގައެވެ.

ދެވަނަ ލެގާ ކުރިމަތިލާއިރު، މާލޭގައި ކުޅުނު ފުރަތަމަ ލެގުގެ މެޗުން މާޒިޔާ ވަނީ ބެންގަލޫރު އަތުން 2-1 އިން މޮޅުވެފައެވެ. އެހެންކަމުން ރަށުން ބޭރުގައި ބެންގަލޫރާ އެއްވަރުކޮށްލައިގެންވެސް ގްރޫޕް ސްޓޭޖުގެ ޖާގައެއް ހޯދުމުގެ ފުރުސަތު މާޒިޔާއަށް އެބައޮތެވެ.

ރާއްޖޭގެ ކުލަބަކަށް އަދި މިހާތަނަށް ބެންގަލޫރުގެ ދަނޑުގައި އެޓީމު ބަލިކުރެވިފައެއް ނުވެއެވެ. މާލޭގައި ކުޅުނު މެޗަށް ފަހު މާޒިޔާގެ ކޯޗު މަރުޖާން ސެކުލޮސްކީ ބުނީ ބެންގަލޫރަކީ މި ސަރަހައްދުގެ އެންމެ މޮޅު އެއް ޓީމު ކަމަށާއި، އެޓީމުގެ ދަނޑުގައި ކުޅޭ ދެވަނަ ލެގުގެ މެޗު ފަސޭހަ ނުވާނެ ކަމަށެވެ.

އޭއެފްސީ ކަޕްގެ ޕްލެއި އޯފް ބުރުގެ ފުރަތަމަ ލެގުގައި މާޒިޔާއިން ބެންގަލޫރު ބަލިކުރިއިރު، މިއީ ރާއްޖޭގެ ކްލަބަކުން ބެންގަލޫރު ބަލިކުރި ދެވަނަ ފަހަރެވެ. މީގެ ކުރިން ބެންގަލޫރު ބަލިކޮށްފައިވަނީ 2018 ވަނަ އަހަރު ނިއުރޭޑިއަންޓް ސްޕޯޓްސް ކްލަބުންނެވެ.

ޕްލެއި އޯފުން ކުރިހޯދާ މާޒިޔާ ގްރޫޕު ސްޓޭޖަށް ދަތުރުކޮށްފިނަމަ، ފުރަތަމަ ފަހަރަށް ގްރޫޕު ސްޓޭޖުގައި ރާއްޖޭގެ ދެ ޓީމެއް ކުޅުމުގެ ފުރުސަތު އެބައޮތެވެ. ޕްލެއި އޯފުން މާޒިޔާއަށް ކުރިލިބިއްޖެ ނަމަ، އެޓީމު ވާދަކުރަން ޖެހޭނީ ގްރޫޕު އީ ގައެވެ. އެ ގްރޫޕުގައި ހިމެނެނީ ރާއްޖޭގެ ޓީސީ ސްޕޯޓްސް ކްލަބުގެ އިތުރުން އިންޑިއާގެ އައި ލީގުގެ ޗެމްޕިއަން ޗެންނާއީ ސިޓީ އާއި ބަންގްލަދޭޝްގެ ބަޝުންދަރާ ކިންގްސް އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް