އެ ބިލު ހުށަހެޅުއްވި މެމްބަރު އެ ބިލު އަނބުރާ ގެންދެވީ 17 ފެބްރުއަރީ 2020ގައި
އެ ބިލު ހުށަހެޅުއްވި މެމްބަރު އެ ބިލު އަނބުރާ ގެންދެވީ 17 ފެބްރުއަރީ 2020ގައި
ނަފްސާނީ ސިއްހަތުގެ ބިލް ހުށަހެޅުއްވި މެމްބަރު އެ ބިލު އަނބުރާ ގެންދަވައިފިކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު ވިދާޅުވީ އެ ބިލް އަނބުރާ ގެންދަވާފައިވަނީ އިތުރަށް ފުރިހަމަ ކުރުމަށްޓަކައި ކަމަށެވެ. ސަރުކާރުގެ ފަރާތުން އެ ބިލު ހުށަހެޅުއްވި މެމްބަރު އެ ބިލު އަނބުރާ ގެންދެވީ 17 ފެބްރުއަރީ 2020 ގައި ކަމަށެވެ.
އެ ބިލަކީ ދިވެހިރާއްޖޭގައި ނަފްސާނީ ދުޅަހެޔޮކަން ކުރިއަރުވައި، ނަފްސާނީ ބަލިތަކަށް މުޖުތަމަޢު އަހުލުވެރިކޮށް، އެފަދަ ފަރާތްތަކުގެ ޙައްޤުތައް ރައްކާތެރިކޮށް ޙިމާޔަތްކުރުމަށް ހުށަހަޅާފައިވާ ބިލެއް ކަމަށް އޭޖީގެ އޮފީހުން ނެރުނު ބަޔާނެއްގައިވެއެވެ. އަދި ބިލުގައި އެފަދަ ފަރާތްތަކަށް ލިބިދޭންޖެހޭ ރައްކާތެރިކަމާގުޅޭ އުޞޫލުތައް ބަޔާންކުރުމާއެކު، ނަފްސާނީ ބަލީގެ ފަރުވާ އާއި އެފަދަ ފަރުވާއާގުޅޭ ޚީދުމަތްތައް ފޯރުކޮށްދިނުމުގައި ގެންގުޅެންޖެހޭ ހަމަތަކާއި އުޞޫލުތައް ބަޔާންކޮށްފައިވެއެވެ.
ނަފްސާނީ ބަލިތަކަށް ދެވޭ ފަރުވާ ފުޅާކުރުމަކީ ރައީސް އިބްރާހިމް މުޙައްމަދު ޞާލިޙުގެ ރިޔާސީ ވަޢުދެކެވެ. ރިޔާސީ އިންތިޚާބުގެ ކެމްޕެއިންތެރޭގައި ރައީސް ޞާލިޙު ވިދާޅުވެފައި ވަނީ ސަރުކާރުގައި ޞިއްޙި އިހުމާލުވުމާއި، މެންޓަލް ހެލްތުގެ ޤާނޫނީ އއޮނިގަނޑެއް އެމަނިކުފާނުގެ ވެރިކަމުގައި އެކުލަވާލައްވާނެ ކަމަށެވެ.
