ޖޭއެސްސީއަށް އާންމުންގެ ފަރާތުން މީހަކު އައްޔަނުކުރުމަށްޓަކައި ކުރިމަތިލުމުގެ ފުރުސަތު ހުޅުވާލައިފި
17 ފެބުރުއަރީ 2020 | ހޯމަ 18:45ކުރިން އެ މަގާމަށް ނަންތައް ދިރާސާކުރި ނަމަވެސް، އެއްވެސް މީހަކަށް ރުހުމެއް ނުލިބޭ
ޖޭއެސްސީ
ޖުޑީޝަލް ސަރވިސް ކޮމިޝަން (ޖޭއެސްސީ) އަށް އާންމުންގެ ފަރާތުން މީހަކު އައްޔަނުކުރަންޖެހޭތީ އެކަމަށް އެދޭ ފަރާތްތަކުން އެކަމަށް ހުށަހެޅުމުގެ ފުރުސަތު ހުޅުވާލައިފި އެވެ.
ރައްޔިތުންގެ މަޖިލީހުގެ ހޯމަ ދުވަހުގެ ޖަލްސާގައި ވާހަކަ ދައްކަވަމުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ ޖޭއެސްސީއަށް އާއްމުންގެ ތެރެއިން ރައްޔިތުންގެ މަޖިލީހުން މީހަކު ކަނޑައެޅުމަށްޓަކައި މަޖިލީހުން އިޢުލާންކުރާންޖެހޭ ކަމަށެވެ. އެހެންކަމުން އެކަން މިހާރު މަޖިލީހުން މިއިއުލާންކުރެއްވީ ކަމަށް ރައީސް ނަޝީދު ވިދާޅުވި އެވެ.
ޖޭއެސްސީއަށް އާއްމުންގެ ތެރެއިން މީހަކު ހޯދުމަށް މިދިޔަ ދައުރުގައި އިއުލާންކުރެވި އެނަންތައް ކޮމިޓީގައި ދިރާސާކުރުމަށްފަހު މަޖިލީހުގެ ތަޅުމަށް ގެނައެވެ. ނަމަވެސް ތަޅުމުން އެއްވެސް މެމްބަރަކަށް ރުހުން ނުދިނުމުން އެ މަގާމު އޮތީ އަދިވެސް ހުސްކޮށެވެ.
ޖޭއެސްސީގައި 10 މެމްބަރުން ތިއްބަވާއިރު މިހާރު ހުސްކޮށް އޮތީ އާންމުންގެ ތެރެއިން ޖޭއެސްސީއަށް ކަނޑައަޅާ މެމްބަރު އެކަންޏެވެ.
