ޖެންޑަރ މިނިސްޓަރ އައިޝާގެ ނަން ދިރާސާކުރުމަށް ކޮމިޓީއަށް
މިނަމަށް ރުހުން ހޯދުމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު މަޖިލީހަށް ވަނީ ފޮނުއްވާފައި
ޖެންޑަރ މިނިސްޓަރ އައިޝަތު މުހައްމަދު ދީދީ އާ ފަތްކޮޅު ހަވާލުކުރުމުގެ ތެރެއިން
ޖެންޑާ މިނިސްޓަަރު ކަމަށް ދާދި ފަހުން އައްޔަން ކުރެެއްވި އައިޝަތު މުހައްމަދު ދީދީ (އައިޝާ)ގެ ނަން ދިރަސާކުރުމަށް ރައްޔިތުންގެ މަޖިލީހުގެ ސަރުކާރު މަސްއޫލިއްޔަތު އަދާ ކުރާ މިންވަރު ބަލާ ކޮމިޓީއަށް ފޮނުވައިފި އެވެ.
ރައްޔިތުންގެ މަޖިލީހުގެ އަންގާރަ ދުވަހުގެ ޖަލްސާގައި މިނަން ދިރާސާކުރުމަށް ކޮމިޓީއަށް ފޮނުވާފައިމިވަނީ މިނަމަށް ރުހުން ހޯދުމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު މަޖިލީހަށް ފޮނުއްވުމުންނެވެ. ޖެންޑަރ މިނިސްޓަރ ކަމަށް އައިޝާ އައްޔަނުކުރެއްވީ އެމަގާމުގައި ހުންނެވި ޝިދާތާ ޝަރީފް އިސްތިޢުފާ ދެއްވުމާއި ގުޅިގެންނެވެ.
ޖެންޑާ މިނިސްޓަރު ކަމަށް އައްޔަންކުރެއްވުމުގެ ކުރިން އާއިޝާ ހުންނެވީ އިންޑިއާގައި ހުންނަވާ ދިވެހި ސަފީރުގެ މަގާމުގަ އެވެ. މީގެއިތުރުން ރައީސް މައުމޫނުގެ ސަރުކާރުގައި އައިޝާ ވަނީ ޖެންޑާ މިނިސްޓަރުކަން ކުރައްވާފަ އެވެ.
