ކައުންސިލް އިންތިހާބުގައި ވާދަކުރާ ކެނޑިޑޭޓުންގެ ކުށުގެ ރިކޯޑްތައް ވަގުތުން ދޫކުރުމަށް ސުޕްރީމް ކޯޓުން ނިންމައިފި
10 ފެބުރުއަރީ 2020 | ހޯމަ 08:5624 ފެބުރުވަރީ 2020 ވަނަ ދުވަހުގެ ނިޔަލަށް މިގޮތަށް އަމަލުކުރަމުން ގެންދާނެ
ދިވެހިރާއްޖޭގެ ސުޕްރީމް ކޯޓް
ކުރިއަށް އޮތް "އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2020"ގެ ކެންޑިޑޭޓުންގެ ގޮތުގައާއި "ލޯކަލް ކައުންސިލްތަކުގެ އިންތިޚާބު 2020"ގެ ކެންޑިޑޭޓުންގެ ގޮތުގައި ކުރިމަތިލައްވާ ފަރާތްތަކުން ސާފުކުރުމަށް ހުށަހަޅާ ރެކޯޑު ފޯމުތައް ނިންމުމަށްފަހު، ވަގުތުން ދޫކުރާގޮތަށް ދިވެހިރާއްޖޭގެ ސުޕްރީމް ކޯޓުން ނިންމަވައިފިއެވެ.
މިގޮތުން 10 ފެބުރުވަރީ 2020 އިން ފެށިގެން "އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2020"ގެ ކެންޑިޑޭޓުންގެ ގޮތުގައި ކުރިމަތިލައްވާ ފަރާތްކުގެ ފޯމުތައް ބަލައިގަތުމަށް އިލެކްޝަން ކޮމިޝަނުން ކަނޑައަޅުއްވާފައިވާ އެންމެފަހު ތާރީޚް ކަމުގައިވަ 24 ފެބުރުވަރީ 2020 ވަނަ ދުވަހުގެ ނިޔަލަށް މިގޮތަށް އަމަލުކުރަމުން ގެންދާނެ ކަމަށް ސުޕްރީމް ކޯޓުން ބުންޏެވެ.
