ކައުންސިލްތަކުގެ އިންތިޚާބުގެ އޮބްޒާވަރަކަށް ވުމަށް ފުރުސަތު ހުޅުވާލައިފި
10 ފެބުރުއަރީ 2020 | ހޯމަ 03:4602 މާރިޗުގެ ކުރިން ފޯމް ހުށަހަޅަންޖެހޭ
އިލެކްޝަން ކޮމިޝަނުން ކުރިއަށް ގެންދިޔަ ތަމްރީން ޕްރޮގްރާމްގެ ތެރެއިން
ލޯކަލް ކައުންސިލްތަކުގެ އިންތިޚާބުގެ އޮބްޒާވަރަކަށް ވުމަށް އެދި ފޯމު ހުށަހެޅުމުގެ ފުރުސަތު ހުޅުވާލައިފިއެވެ.
އިލެކްޝަން ކޮމިޝަން (އީސީން) ބުނީ އޭޕްރީލް މަހުގެ 04 ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިޚާބާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބު އޮބްޒާވަރަކަށް ނުވަތަ މޮނިޓަރަކަށް ވުމަށް އެދި ފޯމު ހުށަހެޅުމުގެ ފުރުސަތު ހުޅުވާލައިފައިވާ ކަމަށެވެ.
އީސީން ބުނީ އޮބްޒާވަރަކަށް ނުވަތަ މޮނިޓަރަކަށް ވުމަށް 02 މާރޗުގެ 15:00 ގެ ކުރިން ފޯމް ހުށަހަޅަންޖެހޭ ކަމަށެވެ.
އޮބްޒާވަރަކަށް ނުވަތަ މޮނިޓަރަކަށްވުމަށް ހުށަހަޅަންޖެހޭ ތަކެތީގެ ތެރޭގައި ދިވެހި ރައްޔިތެއްކަން އަންގައިދޭ މުއްދަތު ހަމަނުވާ ކާޑުގެ ސާފު ކޮޕީ، އޮބްޒާވަރަކަށް ނުވަތަ މޮނިޓަރަކަށް ވުމަށްއެދޭ ފަރާތުގެ އޮބްޒާވަރުންގެ އިޤްރާރު އަދި ސީޑީ (ޕާސްޕޯޓު ސައިޒުގެ ކުލަ ފޮޓޯ، ނަން ހުށަހަޅާ ފަރާތްތަކުގެ މަޢުލޫމާތު ހިމެނޭ ލިސްޓްގެ ސޮފްޓް ކޮޕީ) ހުށަހަޅަން ޖެހޭ އީސީން މައުލޫމާތުދެއެވެ.
މީގެ އިތުރުން އީސީން ބުނީ މާލެ ސިޓީގައި މަސައްކަތް ކުރަން ބޭނުންވާ ފަރާތްތަކުން ފޯމް ހުށަހަޅާނީ އިންތިޚާބާ ބެހޭ މަރުކަޒު، ބައު ޖަމާލުއްދީނަށް ކަމަށެވެ. އަދި ރަށްރަށުގައި އުޅޭ ފަރާތްތަކުން އެރަށެއްގެ ރަށު ކައުންސިލް އިދާރާތައް (ރަށު ފޯކަލް ޕޮއިންޓް) އަށް ކަމަށެވެ. ކުޅުދުއްފުށި ސިޓީ، އައްޑޫ ސިޓީ އަދި ފުވައްމުލައް ސިޓީން އަވަށު އޮފީސްތަކާއި ސިޓީ ކައުންސިލް އިދާރާ އަށް އޮބްޒާވަރަކަށް ވުމަށް އެދޭ ފޯމް ހުށައެޅޭނެއެވެ.
ކުރިއަށް އޮތް ލޯކަލް ކައުންސިލް އިންތިޚާބަށް ތައްޔާރުވުމުގެ އީސީން އަންނަނީ ގިނަ މަސައްކަތްތައް ކުރަމުންނެވެ. އެގޮތުން މިއިންތިޚާބުގައި މަސައްކަތްކުރާ އޮފިޝަލުން ތަމްރީން ޕްރޮގްރާމްތައް އެކޮމިޝަނުން ހިންގައެވެ.
