ނުވަ އަހަރުގެ އިންޑިއާގެ ކުއްޖަކު، ''އެންޓި ބުލީން'' އެޕެއް ހަދައިފި

ސްކޫލުގައި ތަކުރާރުކޮށް ގަނާކުރާ މައްސަލަ ބޮޑުވެގެން، ނުވަ އަހަރުގެ އިންޑިއާ ކުއްޖަކު ''އެންޓީ ބުލީން'' އެޕެއް ހަދައިފިއެވެ.

މި އެޕް ހަދާފައިވަނީ އިންޑިއާގެ ޝިލޯންގެ ސްކޫލެއްގައި ގްރޭޑް ހަތަރެއްގައި ކިޔަވަމުންދާ މިއޭދައިބަހުން މަޖޯއެވެ. ގޫގުކް ޕްލޭއި ސްޓޯރަށް ވަރަށް އަވަހަށް އަންނާނެ ކަމަށް ބެލެވޭ މި އެޕް މެދުވެރިކޮށް، ގަނާކުރާ މީހުންގެ މައުލޫމާތު ޓީޗަރުންނާއި، ބެލެނިވެރިންގެ އިތުރުން ރައްޓެހިންނަށް، އެމީހަކީ ކާކުކަން ނޭނގޭ ގޮތަށް ރިޕޯޓުކުރެވޭނެއެވެ.

މިއޭދައިބަހުން ބުނެފައިވަނީ، އޭނާގެ އިތުރުން ސްކޫލުގެ އެހެން ކުދިންނަށް ކުޑައިރުއްސުރެ ގަނާކުރުމުގެ މައްސަލަ ދިމާވާ ކަމަށެވެ. އެ އަންހެން ކުއްޖާގެ މަސައްކަތަށް ތައުރީފު ކުރަމުން އެ ސްޓޭޓްގެ އެޑިއުކޭޝަން މިނިސްޓަރު ލަކްމަން ރިމްބުއި ބުނީ، މިއޭދައިބަހުން ބޮޑުވެގެން ޒިންމާދާރު ރައްޔިތަކަށް ވެގެންދާނެ ކަމަށް ގަބޫލުފުޅު ކުރައްވާ ކަމަށެވެ.

އެ ކުއްޖާގެ މަންމަ ބުނެފައިިވަނީ އެޕް ޑިވޮލޮޕްމެންޓް ކޯހެއްގައި ހުސްވި އަހަރުގެ ސެޕްޓެންބަރު މަހު، މިއޭދައިބަހުން ބައިވެރިވި ކަމަށެވެ. އަދި ކުޑަ ދުވަސްކޮޅެއްގެ ތެރޭގައި އެޕް ހަދަން އޭނާ ދަސްކުރި ކަމަށެވެ.

2017 ވަނަ އަހަރު ޓިޗަރސް ފައުންޑޭޝަނާއި، ވިޕްރޯ އެޕްލައިން ތޯޓް އިން ސްކޫލްސް (ވަޓްއިޒް) ގުޅިގެން ހަދާފައިވާ ސަރވޭ ދައްކާ ގޮތުން އިންޑިއާގެ ސްކޫލުތަކުގެ 42 ޕަސެންޓް ކުދިންނަކީ ބުލީގެ ޝިކާރައަށްވެފައިވާ ކުދިންނެވެ.