ފިންލެންޑުގައި ވިހެއުމުގެ ޗުއްޓީ އަންހެނުންނެކޭ އެއްހަމައަކުން ފިރިހެނުންނަށް ވެސް ދެނީ!

ފިންލެންޑުގައި ވިހެއުމުގެ ޗުއްޓީ އަންހެނުންނެކޭ އެއްހަމައަކުން ފިރިހެނުންނަށް ވެސް ދިނުމާ ބެހޭ ގޮތުން އެގައުމުގެ ސަރުކާރުން މަޝްވަރާތައް ފަށައިފިއެވެ.

ބީބީސީގައި ރިޕޯޓުކޮށްފައިވާ ގޮތުގައި، ފިންލެންޑްގެ ސަރުކާރުން ބުނެފައިވަނީ ޖެންޑަރ އިކުއެލިޓީ އެއްހަމައެއްގައި ދެބައި މީހުންނަށް ފޯރުކޮށްދިނުމުގެ ގޮތުން ގެންނަން ބޭނުންވާ ބަދަލެއް ކަމަށެވެ.

މިހާރު ފިންލެންޑުގައި ވިހެއުމުގެ ޗުއްޓީގެ ގޮތުގައި ފިރިހެން މީހާއަށް ލިބެނީ ދެމަހާއި 15 ދުވަހެވެ. އަދި އަންހެން މީހާއަށް ލިބެނީ 4 މަހާއި 15 ދުވަހެއެވެ. ނަމަވެސް މިހާރު ގެންނަން އުޅޭ ބަދަލުގެ ސަބަބުން ބެލެނިވެރިންނަށް ހަމަހާއި 18 ދުވަސް ލިބެއެވެ.

ފިންލެންޑްގެ ބޮޑުވަޒީރު ސަނާ މާޓިން ވިދާޅުވެފައިވަނީ ފިންލެންޑްގައި ޖެންޑަރ އީކުއެލިޓީ ގާއިމް ކުރުމަށް އަދިވެސް ބޮޑެތި ބަދަލުތަކެއް ގެންނަންޖެހޭ ކަމަށެވެ. އަދި މިބަދަލުތައް ކުރިއަށް އޮތްތަނުގައި ގެންނަމުންދާނެ ކަމަށެވެ.

މީގެ އިތުރުން ސަނާ ވިދާޅުވީ ވިހެއުމުގެ ޗުއްޓީ ހަމަހަމަ ކުރުމުގެ މަގުސަދަކީ ބައްޕަމެން ދަރިންގާތު ހޭދަކުރާ ވަގުތު ވީހާ ވެސް އިތުރުކޮށްދިނުމެވެ. މިބަދަލަށް އާންމުންގެ ތެރެއިން ގިނަ ބަޔެއްގެ ތާއިދު ވަނީ ލިބިފައެވެ.