ކޮރޯނާވައިރަސް އަށް ޝައްކުކުރެވިގެން ކަރަންޓީނުކުރާ މުވައްޒަފުންނަށް ޚާއްސަ ޗުއްޓީ އެއް ދިނުމަށް ނިންމާފައިވާކަމަށް ސިވިލް ސަރވިސް ކޮމިޝަން (ސީއެސްސީ) ން ބުނެފި އެވެ.
އެކޮމިޝަނުން ބުނީ ރޯގާއާ ގުޅިގެން ރައްކާތެރިވުމުގެ ގޮތުން ސަރުކާރުން އަޅުއްވަމުންގެންދަވާ ފިޔަވަޅެއްގެ ގޮތުގައި މި ރޯގާއަށް ޝައްކުކުރެވޭ މީހުން ކަރަންޓީނުކުރުމަށް ނިންމަވާފައިވާކަމަށެވެ. އަދި މި ރޯގާއާ ގުޅިގެން ކަރަންޓީނުކުރެވޭ ސިވިލް ސަރވިސްގެ މުވައްޒަފުން، ކަރަންޓީނުކުރެވިފައި ހުންނަ މުއްދަތުގައި އޮފީހަށް ހާޒިރުނުވެވޭނެތީ، އެ ދުވަސްތަކަށް ޚާއްސަ ޗުއްޓީއަށް ހަމަޖައްސައިދިނުމަށް ސީއެސްސީން ނިންމާފައިވާކަމަށެވެ.
އަދި މިގޮތަށް ކަރަންޓީނުކުރެވޭ މުވައްޒަފުން ކަރަންޓީނުކުރެވޭ މުއްދަތަށް ޗުއްޓީގެ ކަންތައްތައް އެ އިދާރާއަކުން ހަމަޖައްސައިދިނުމަށް އެދޭކަމަށްވެސް ސީއެސްސީން ބުނެއެވެ.
ދުނިޔޭގައި މިހާރު ފެތުރެމުންދާ ކޮރޯނާވައިރަސް އާ ގުޅިގެން މިހާތަނަށް އާއިރު ރާއްޖޭގެ ތިން މީހަކު ކަރަންޓީނުކޮށްފައިވާ ކަމަށް ހެލްތު މިނިސްޓަރ އަބްދުﷲ އަމީން ވަނީ ވިދާޅުވެފަ އެވެ.
