ވޯޓުލާން ނުކުތް މެމްބަރުންގެ އަދަދު ފެނިފައި އިދިކޮޅު މީހުންގެ މޭކަރާނެ: މިނިސްޓަރު މާރިޔާ
31 ޖެނުއަރީ 2020 | ހުކުރު 17:47ލާމަރުކާޒީ ނިޒާމަކީ އެމްޑީޕީގެ އެއްޗެއް
ޕްރައިމަރީގައި ވޯޓުލުމަށް ގިނަ ބަޔަކު ކިއުގައި ޖެހިގެން
ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ)ގެ ޕްރައިމަރީއަށް ވޯޓުލާން ނުކުތް މެމްބަރުންގެ އަދަދު ފެނިފައި އިދިކޮޅު ފަރާތްތަކުގެ މޭކަރާނެ ކަމަށް ކުރީގެ އެމްޑީޕީގެ ޗެއަރޕާސަން އަދި ޑިފެންސް މިނިސްޓަރު މާރިޔާ އަޙްމަދު ދީދީ ވިދާޅުވެއްޖެއެވެ.
އެމްޑީޕީގެ ޕްރައިމަރީގެ ވޯޓުލުމަށްވަޑައިގަންނަވާ ރާއްޖެޓީވީއަށް ދެއްވި އިންޓަވިއުގައި މިނިސްޓަރު މާރިޔާ ވިދާޅުވީ ލާމަރުކާޒީ ނިޒާމަކީ އެމްޑީޕީގެ އެއްޗެއް ކަމަށާއި، ރައްޔިތުންނާއި ގާތުން ވެރިކަން ކުރަން ބޭނުންވެގެން ނިޒާމް ތަންފީޒު ކުރީ އެމްޑީޕީ ކަމަށެވެ.
މިނިސްޓަރު މާރިޔާ ވިދާޅުވީ މިފަހަރުގެ ލޯކަލް ކައުންސިލް އިންތިޚާބު އެމްޑީޕީން ކާމިޔާބުކުރެވޭނެ ކަމުގެ އުންމީދު ވަރަށް ބޮޑު ކަމަށެވެ.
އެމްޑީޕީގެ ޕްރައިމަރީގައި ވޯޓުލުމަށް ނުކުތް އާންމުންގެ ނިސްބަތަށް އަލިއަޅުއްވާލައްވާ މިނިސްޓަރު މާރިޔާ ވިދާޅުވީ ވޯޓުލުން ފެށުމާއެކު ހުރިހާ މަރުކަޒުތަކެއް ފުރިގެން ދިޔަ ކަމަށެވެ. ހަމައެކަނި މިއިންތިޚާބުން ވެސް އެމްޑީޕީއަށް ތާއިދު އޮތްވަރު ފެންނަ ކަމަށް މިނިސްޓަރު ވިދާޅުވިއެވެ. އަދި ވިދާޅުވީ ޕްރައިމަރީއަށް ވޯޓުލުމަށް ނުކުތް މެމްބަރުންގެ އަދަދު ފެނިފައި އިދިކޮޅުޕާޓީގެ މެމްބަރުންގެ މޭކަރާނެ ކަމަށެވެ.
މިނިސްޓަރު މާރިޔާ ވިދާޅުވީ ލާމަރުކަޒީ ގާނޫނަށް ގެނެވުނު ބަދަލާއެކު އަންހެނުންނަށް ބޮޑު ބާރުވެރިކަމެއްދެވިފައިވާ ކަމަށާއި، ގައުމެއްގެ 50 އިންސައްތަގެ ބަސް އިއްވަނީ އަންހެންނުން ކަމަށެވެ. އަދި މިފުރުސަތު ހޯދައިދިނީ ވެސް އެމްޑީޕީންކަން މިނިސްޓަރު ފާހަގަކުރެއްވިއެވެ.
މިނިސްޓަރު މާރިޔާ ވިދާޅުވީ ކުރީގެ ރައީސް އަބްދުﷲ ޔާމީންގެ ވެރިކަމުގައި ރައްޔިތުން އަޅުވެތިކޮށްފައިވާ ކަމަށާއި، އަންހެނުންނަށް އެއްވެސް ކަހަލަ އިހުތިރާމެއްނެތްކަން ހާމަކޮށްދިން ކަމަށެވެ.
