ފެބްރުއަރީ 10 ން ފެށިގެން އެސްޓީއޯ ސުޕަރމާކެޓުން ތަރުކާރީ އާއި މޭވާ ވިއްކާނީ އާންމު ވިޔަފާރިވެރިން
ކުދި ވިޔަފާރިތަކަށް ފަހިވާނެ ގޮތަށް އެކަން ކަން ކުރުމަށް މިހާރު ވިސްނާފައިވާ ކަމަށް އަމްރު ވިދާޅުވި
އެސްޓީއޯ ސުޕަރމާކެޓް
އަންނަ ފެބްރުއަރީ މަހުގެ 10 ވަނަ ދުވަހުން ފެށިގެން އެސްޓީއޯ ސުޕަރމާކެޓުން ތަރުކާރީ އާއި މޭވާ ވިއްކާނީ ޢާންމު ވިޔަފާރިވެރިން ކަމަށް އެސްޓީއޯގެ މެނޭޖިންގ ޑިރެކްޓަރ ހުސައިން އަމްރު ވިދާޅުވެއްޖެ އެވެ.
ނޫސްވެރިންގެ ބައްދަލުވުމުގައި ވާހަކަދައްކަވަމުން އަމްރު ވިދާޅުވީ އެސްޓީއޯ ސުޕަރމާކެޓް ފިޔަވައި އެކުންފުނިން ކުދި ވިޔަފާރި އެއް ނުކުރާކަމަށެވެ. އެހެންކަމުން އެވިޔަފާރީގައި ކުދި ވިޔަފާރިތަކަށް ފަހިވާނެ ގޮތަށް އެކަން ކަން ކުރުމަށް މިހާރު ވިސްނާފައިވާ ކަމަށް އަމްރު ވިދާޅުވި އެވެ. އެގޮތުން ސުޕަރމާކެޓުން ޝެލްފް ދޫކުރަން ނިންމާފައިވާކަމަށް އަމްރު ވިދާޅުވި އެވެ.
މީގެއިތުރުން އަމްރު ވިދާޅުވީ އަންނަ ހަފުތާތެރޭގައި އެތަނުގައި ހުރި ފްރީޒަރުތައް ކުއްޔަށް ދޫކުރަން އިޢުލާނުކުރާނެ ކަމަށެވެ.
އެހެންކަމުން ހަމައެކަނި އެވިޔަފާރިއަކުން ކުރަންޖެހޭނެ ކަމަކީ މާރކެޓް ކުރުމުގެ މަސައްކަތް އެކަނިކަމަށް އަމްރު ވިދާޅުވި އެވެ. ބޭނުންވަނީ ސުޕަރމާކެޓްގެ ބޮޑުބައެއް އެގޮތަށް ދޫކޮށްލަން ކަމަށް އަމްރު ވިދާޅުވި އެވެ.
