11 އަހަރުގެ ފިރިހެން ކުއްޖަކާމެދު ޖިންސީގޯނާ ކުރި މައްސަލައެއްގައި އުމުރުން 60 އަހަރުގެ މީހަކު ހައްޔަރުކޮށްފި
27 ޖެނުއަރީ 2020 | ހޯމަ 10:26ކުއްޖަކާމެދު ޖިންސީ ގޯނާކޮށްފައިވާ މައްސަލަ ހުށަހަޅާފައިވަނީ މިދިޔަ އަހަރުގެ ޑިސެމްބަރ މަހުގެ 9 ވަނަ ދުވަހު
ކުޑަކުދިންނަށް ކުރާ ޖިންސީ އަނިޔާއާ ދެކޮޅަށް ބަޔަކު އަޑުއުފުލަނީ
އުމުރުން 11 އަހަރުގެ ފިރިހެން ކުއްޖަކާމެދު ޖިންސީ ގޯނާކޮށްފައިވާ ކަމުގެ މައްސަލައެއްގައި ކޯޓު ޢަމުރެއްގެ ދަށުން އުމުރުން 60 އަހަރުގެ ފިރިހެނަކު ހައްޔަރުކޮށްފި އެވެ.
ފުލުހުން ބުނީ ނޮދަރން ޕޮލިސް ޑިވިޝަންގައި ހިމެނޭ ރަށެއްގައި އުމުރުން 11 އަހަރުގެ ފިރިހެން ކުއްޖަކާމެދު ޖިންސީ ގޯނާކޮށްފައިވާ މައްސަލަ އެއް މިދިޔަ އަހަރުގެ ޑިސެންބަރ މަހުގެ 9 ވަނަ ދުވަހު ހުށަހަޅާފައިވާ ކަމަށެވެ. މިމައްސަލައާއި ގުޅިގެން 27 ޖެނުއަރީގެ މެންދުރު 12:00 ހާއިރު ކޯޓު އަމުރެއްގެ ދަށުން 60 އަހަރުގެ ފިރިހެނަކު ހައްޔަރުކޮށްފައިވާކަމަށް ފުލުހުން ބުނެއެވެ.
މިމައްސަލަ އިތުރަށް ތަހުޤީޤުކުރަމުންދާކަމަށް ފުލުހުން ބުނެއެވެ.
މިފަހަކަށް އައިސް ކުޑަކުދިންނަށް ޖިންސީ ގޯނާކުރާ މައްސަލަތައް ފުލުހުންނަށް ހުށަހެޅޭ މިންވަރާއި މީގެކުރިން ހުށަހެޅިފައިވާ މިފަދަ މައްސަލަތަކުގައި މީހުން ހައްޔަރުކުރާ މިންވަރު ވަނީ އިތުރުވެފަ އެވެ.
