ކެނަރީފް ރިސޯޓުގައި އިޓަލީ ފަތުރުވެރިއަކު މަރުވެފައި އޮއްވައި ފެނިއްޖެ
26 ޖެނުއަރީ 2020 | އާދީއްތަ 07:59މަރުވެފައިވަނީ 62 އަހަރުގެ ފިރިހެން ފަތުރުވެރިއެއް
ލައިޝާ އަހްމަދު | 26 ޖެނުއަރީ 2020 | އާދީއްތަ 07:59
ކެނަރީފް ރިސޯޓް
އައްޑޫ އަތޮޅުގައި އޮންނަ ކެނަރީފް ރިސޯޓުން، އިޓަލީއަށް ނިސްބަތްވާ ފަތުރުވެރިއަކު މަރުވެފައި އޮއްވައި ފެނިއްޖެއެވެ.
އެކަމާ ގުޅޭ ގޮތުން ފުލުހުން ބުނީ، މި ހާދިސާގެ މައުލޫމާތު ފުލުހުންނަށް ލިބިފައިވަނީ އާދިއްތަ ދުވަހުގެ ހެނދުނު 07:08 ހާއިރު ކަމަށާއި، މަރުވެފައިވަނީ 62 އަހަރުގެ ފިރިހެން ފަތުރުވެރިއެއް ކަމަށެވެ.
ފުލުހުން އިތުރަށް ބުނީ، އޭނާގެ ހަށިގަނޑުގެ ބޭރުފުށުން އެއްވެސް އަނިޔާއެއްގެ އަސަރު ފެނިފައި ނުވާ ކަމަށާއި، އެކަމާ ގުޅިގެން ފުލުހުން އިތުރަށް ބަލަންޖެހޭ ކަންކަން ބަލަމުން އަންނަ ކަމަށެވެ.
މައުލޫމާތު ލިބިފައިވާ ގޮތުގައި އޭނާ ކޮޓަރީގައި މަރުވެފައި އޮއްވައި ފެނުމާއި ގުޅިގެން ހުޅުމީދޫ ސިއްހީ މަރުކަޒަށް ގެންގޮސް ވަނީ މަރު ކަށަވަރުކޮށްފައެވެ.
