ވެލާނާ އިންޓަރނޭޝަނަލް އެއަރޕޯޓުގައި ހުންނަ ފެރީ ކައުންޓަރ ޓެކްސީ ކިޔު ހުންނަ ޞަރަޙައްދަށް ބަދަލުކޮށްފި އެވެ.
އެއަރޕޯޓް ހިންގާ މޯލްޑިވްސް އެއަރޕޯޓްސް ކޮމްޕެނީން ކޮށްފައިވާ ޓްވީޓެއްގައި ބުނެފައިވަނީ މިބަދަލު ގެންނަނީ ޚިދުމަތް ބޭނުންކުރާ ފަރާތްތަކުގެ ތަޖުރިބާ އަށް ބެލުމަށްފަހު ފަސޭހަކޮށްދިނުމުގެ ގޮތުންކަމަށެވެ.
މިބަދަލު ގެނައުމުގެ ކުރިން ފެރީ ކައުންޓަރު ހުންނަނީ ވެލާނާ އިންޓަނޭޝަނަލް އެއަރޕޯޓުގެ ޑޮމެސްޓިކް ޓާރމިނަލް ކުރިމަތީގައެެވެ.
ސިނަމާލެ ބްރިޖު އެޅުމާއެކު އެއަރޕޯޓްގެ ވަކި ޞަރަޙަދެއްވަނީ ޓެކްސީ ކިޔުއަށް ޚާއްޞަކޮށްފައެވެ. އަދި ޓެކްސީއަށް އެރުމަށާއި ޓެކްސީން ފޭބުމަށް ވަކި ތަންތަނެއް ފާހަގަކޮށްފައި ހުރެއެވެ. ބްރިޖު އައުމާއެކު ފެރީން ދަތުރުކުރާ މީހުންގެ ޢަދަދުވެސް ވަނީ މަދުވެފަ އެވެ.
