ކ. މާލެ
|
19 ޖެނުއަރީ 2020 | އާދީއްތަ 08:54
ޕްރިންސް ހެރީ އާއި އަނބިކަނބަލުން މޭގަން އަދި ދަރިކަލުން އަރޗީ ހެރިސަން
ޕްރިންސް ހެރީ އާއި އަނބިކަނބަލުން މޭގަން އަދި ދަރިކަލުން އަރޗީ ހެރިސަން
ދި ޓެލެގްރާފް
އިނގިރޭސި ޝާހީ އާއިލާ
ހެރީ އާއީ މޭގަންއަކީ މިހާރު "ރޯޔަލް ހައިނަސް" އިންނެއް ނޫން
 
ގިނަ ދުވަސްތަކެއްގެ މަޝްވަރާއާއެކު މިކަމުގައި ކުރިޔަށްދާނެ ގޮތްތަކެއް ހޯދިފައިވާ ކަމަށް ރާނީ ވިދާޅުވި
 
އެދެބޭފުޅުންގެ ނަމުގެ ކުރިޔަށް "ރޯޔަލް ހައިނަސް" ދެން ބޭނުމެއް ނުކުރާނެ

ޕްރިންސް ހެރީ އާއި އަނބިކަނބަލުން މޭގަން މާކްލް އިނގިރޭސި ޝާހީ ޢާއިލާއިން ވަކިވެފައިވާ ކަން ރަސްމީކޮށް ރާނީ އެލިޒަބަތް އެދެބޭފުޅުންނަށް އަންގަވައިފި އެވެ.

ބަކިންގހަމް ޕެލަސް އިން ހޮނިހިރު ދުވަހު އެކަން އިޢުލާންކުރަމުން ބުނެފައިވަނީ ޕްރިންސް ހެރީ އާއި މޭގަން ޝާހީ ޢާއިލާގެ ސީނިއަރ މެންބަރުންގެ ގޮތުގައި އަދާކުރަމުން އައި މަސްއޫލިއްޔަތުތަކުން ވަކިވެވަޑައިގެންފައިވާ ކަމަށާއި، އެދެބޭފުޅުންގެ ނަމުގެ ކުރިޔަށް "ރޯޔަލް ހައިނަސް" ދެން ބޭނުން ނުކުރާނެ ކަމަށެވެ.

އެކަމާއި ގުޅޭގޮތުން ރާނީ ފޮނުއްވާފައިވާ މެސެޖުގައި ބުނެފައިވަނީ ގިނަ ދުވަސްތަކެއްގެ މަޝްވަރާއާއެކު މިކަމުގައި ކުރިޔަށްދާނެ ގޮތްތަކެއް ހޯދިފައިވާ ކަމަށެވެ.

އެތައް މަސްދުވަސްތަކެއް ވަންދެން މިކަމާއި ގުޅޭގޮތުން ވާހަކަ ދައްކާ ކުރެވިގެންދިޔަ މަޝްވަރާތަކަށްފަހު ކާފަދަރިފުޅާ އޭނާގެ އާއިލާއަށް ކުރިޔަށްދެވޭނެ ގޮތްތަކެއް މިވަނީ ހޯދިފައި.
އިނގިރޭސި ރާނީ އެލިޒަބަތް

ހެރީ އާއި އަނބިކަނބަލުން މޭގަން އަދި ދަރިކަލުން އަރޗީއަކީ އަބަދުވެސް ޝާހީ ޢާއިލާގެ ލޯބި ލިބިގެންވާ ބައެއްކަމަށްވެސް ރާނީގެ މެސެޖުގައިވެއެވެ.

މީގެއިތުރުން ފާއިތުވި ދެ އަހަރު ދުވަހު ހެރީގެ ޢާއިލާގެ ކަންކަން ގާތުން ބަލަމުންދިޔުމުގެ ސަބަބުން އެޢާއިލާއަށް ކުރިމަތި ވެގެންދިޔަ އުނދަގޫތައް އެނގިވަޑައިގަންނަވާކަމަށާއި ޝާހީ ޢާއިލާއާ ވަކިން މިނިވަންކޮށް އުޅުމަށް ނިންމި ނިންމުމަށް ތާޢީދު ކުރައްވާކަމަށެވެ.

އަދި އިނގިރޭސިވިލާތަށާއި ކޮމަންވެލްތަށް އަދި އޭގެ ބޭރުންވެސް ހެރީ އާއި މޭގަން ކޮށްދީފައިވާ މަސައްކަތްތަކަށް ޝުކުރުއަދާކުރައްވާ ރާނީ ވިދާޅުވީ ދާދި އަވަހަށް މޭގަން ޝާހީ ޢާއިލާގެ މެންބަރެއްގެ ގޮތުން މަސްއޫލިއްޔަތުތައް އަދާކުރައްވަމުން ގެންދެވިގޮތާއި މެދު ފަޚުރުވެރިވެ ވަޑައިގަންނަވާކަމަށެވެ.

މީގެއިތުރުން އިނގިރޭސި މުޅި ޝާހީ ޢާއިލާ އިން އުންމީދުކުރަނީ މި ނިންމިގެންދިޔަ ނިންމުމާއެކު ހެރީ އާއި މޭގަން އަށް އުފާވެރި އަދި އަމާން ދިރިއުޅުމަކަށް ކަމަށް ރާނީގެ މެސެޖުގައި ބުނެފައިވެ އެވެ.

އޭބީސީ ނިއުސްއިން މީގެކުރިން ރިޕޯޓުކޮށްފައިވަނީ ޕްރިންސް ހެރީ އާއި މޭގަން މާކްލްގެ އެ ޢާއިލާގެ ސީނިއަރ މެންބަރުންގެ ގޮތުގައި އަދާކުރަމުން އައި މަސްއޫލިއްޔަތުތަކާ ދުރަށް ޖެހިލަން ނިންމީ މާލީ މިނިވަން ކަން ބޭނުންވާތީއެވެ. އެގޮތުން މި ދެމަފިރިން ވަގުތުތައް ހޭދަކުރަން ނިންމާފައިވާނީ ނޯތު އެމެރިކާ އާއި އިނގިރޭސިވިލާތުގައެވެ.

މީޑިއާ ރިޕޯޓުތައް ބުނާގޮތުން މި ނިންމުމާއެކު ޕްރިންސް ހެރީ އާއި މޭގަން މާކްލްގެ އަލަތު ފިރިހެން ދަރިކަލުން އަރޗީ ހެރިސަން މައުންޓްބަޓެން ވިންޑްސޯއާއެކު ގިނަ ވަގުތު ހޭދަކުރެވި، ދަރިފުޅު ރަނގަޅު ގޮތުގައި ތަރުބިއްޔަތު ކުރެވޭނެއެވެ. އަދި ދެޤައުމުގައި ދިރިއުޅެން ނިންމުމާއެކު ދެގައުމުގެ ކަންކަން ދަރިފުޅަށް ދަސްވެ، ދަރިފުޅަށް ރަނގަޅު މާޙައުލެއްގައި ބޮޑުވުމުގެ ފުރުޞަތު ލިބިގެންދާނެ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
57%
14%
14%
14%
0%
0%
ކޮމެންޓް
ގުޅުންހުރި
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި