ގދ. ހޯނޑެއްދޫއިން ޒުވާނަކު ގެއްލިގެން ހޯދާތާ 1 ދުވަސް ވެއްޖެ
19 ޖެނުއަރީ 2020 | އާދީއްތަ 03:45ޝަޒުވާން ގެއްލިގެން ހޯދަމުންދަނީ ހުކުރު ދުވަހުން ފެށިގެން
ހޯނޑެއްދޫއިން ގެއްލިގެން ހޯދަމުންދާ ޒުވާނާ
ގދ. ހޯނޑެއްދޫ އިން ޒުވާނަކު ގެއްލިގެން ހޯދަމުންދާ ކަމަށް ފުލުހުން ބުނެފިއެވެ.
ފުލުހުން ބުނީ ހޮނިހިރު ދުވަހުގެ ރޭ 9:37 ގައި އެރަށުން ދިވެހި ފިރިހެނަކު ގެއްލިގެން ރިޕޯޓުކޮށްފައިވާ ކަމަށެވެ. ފުލުހުން ބުނީ މި ރިޕޯޓާއި ގުޅިގެން އެ ޒުވާނާ ހޯދުމަށް އެރަށަށް ދިއުމުގެ މަސައްކަތް ކުރަމުންދާ ކަމަށެވެ.
"ރާއްޖެ އެމްވީ" އަށް މަޢުލޫމާތު ލިބިފައިވާ ގޮތުގައި ގެއްލިގެން ހޯދަމުންދަނީ ހޯނޑެއްދޫ، ސަތަވަރީގެ އަލީ ޝަޒުވާން މުޙައްމަދު ނަމަކަށް ކިޔާ ޒުވާނެކެވެ. އަދި އޭނޭ ގެއްލިގެން ހޯދަމުންދަނީ ހުކުރު ދުވަހުން ފެށިގެން ކަމަށާއި، އެ މައްސަލަ ކައުންސިލަށް ރިޕޯޓު ކޮށްފައިވަނީ ވެސް ހުކުރު ދުވަހު ކަމަށް އެރަށު ކައުންސިލުން ވަނީ ބުނެފައެވެ.
އެރަށު ކައުންސިލުން ބުނެފައިވަނީ ޝަޒުވާން ހޯދުމުގެ މަސައްކަތުގައި ހުރިހާ އެންމެންގެ އެއްބާރުލުން ބޭނުންވާ ކަމަށާއި، އޭނާއާއި ބެހޭ އެއްވެސް މަޢުލޫމާތެއް ލިބިފައިވާނަމަ އެކަން ކައުންސިލާ ޙިއްސާކޮށްދިނުމަށް އެދޭކަމަށެވެ.
