އިސްތިއުފާ ދެއްވުމުން ޖިންސީ ގޯނާގެ އިތުރު މައްސަލައެއް ފެންމަތިނުވާނެކަމުގެ ޔަޤީންކަން އޮތްނަމަ އިސްތިއުފާ ދޭނަން: ޝިދާތާ
17 ޖެނުއަރީ 2020 | ހުކުރު 13:03މައްސަލަތައް އިތުރވަމުން ދަނީ މީހުން ހޭލުންތެރި އިތުރުކުރުވާ ވަރަކަށް ކަމަށް ވިދާޅުވި
މިނިސްޓަރ ޝިދާތާ ނޫސްވެރިންނާއި ވާހަކަދައްކަވަނީ
އިސްތިއުފާދެއްވުމުން ޖިންސީ ގޯނާގެ އިތުރު މައްސަލައެއް ފެންމަތިނުވާނެކަމުގެ ޔަޤީންކަން އޮތްނަމަ އިސްތިއުފާ ދެއްވާނެކަމަށް ޖެންޑާރ މިނިސްޓަރ ޝިދާތާ ޝަރީފް ވިދާޅުވެއްޖެ އެވެ.
ދެ އަހަރުގެ ކުޑަކުއްޖާ ރޭޕްކުރި މައްސަލާގައި މިނިސްޓަރ ޝިދާތާގެ އިސްތިއުފާއަށް ގޮވާލާ އިހުތިތާޖްކުރަމުންގެންދިޔަ އިހުތިޖާޖްގެ ބައިވެރިންގެ ތެރެޔަށް ވަޑައިގެން ރާއްޖެ.އެމްވީކުރި ސުވާލަކަށް ޖަވާބުދެއްވަމުން މިނިސްޓަރ ވިދާޅުވީ އިސްތިއުފާ ދެއްވުމަށްފަހު ކުޑަކުދިންނަށް ޖިންސީގޯނާކުމުގެ އިތުރުމައްސަލައެއް ފެންމަތިނުވާނެ ކަމުގެ ޔަޤީންކަން އޮތްނަމަ މިވަގުތުވެސް އިސްތިއުފާ ދެއްވާނެ ކަމަށެވެ.
މިނިސްޓަރ ވިދާޅުވީ ހުށަހެޅޭ މައްސަލަތައް އިތުރުވަމުން ދަނީ މީހުންގެ ހޭލުންތެރިކަން އިތުރުވުމުން ކަމަށެވެ. އަދި ގިނަ ބަޔަކަށް މިއީ މައްސަލައެއްކަން އިނގޭ ވަރަކަށް މިނިސްޓްރީއާއި ހަމައަށް މައްސަލަތައް އަންނަކަމަށް މިނިސްޓަރ ވިދާޅުވިއެވެ.
ހުށަހެޅޭ ހުރިހާ މައްސަލަތަކަށް އެންމެ އެކަށީގެންވާ ގޮތަކަށް ފިޔަވަޅު އެޅުމަށްޓަކައި ވަރަށް ގިނަ މަސައްކަތްތައް ކުރެވެމުންދާ ކަމަށް މިނިސްޓަރ ވިދާޅުވިއެވެ. މީގެކުރީގައި އަތޮޅުތެރޭގައި ހިނގާ މިފަދަ ކަންކަމުގައި ފިޔަވަޅު އެޅުން ލަސްވަމުން ދިޔަ ނަމަވެސް މި ކޭސްގައި ވަރަށް އަވަހަށް ފިޔަވަޅުއެޅިގެންދިޔަކަން މިނިސްޓަރ ވަނީ ފާހަގަ ކުރައްވާފައެވެ. އެގޮތުން މައްސަލަ ހުށަހެޅުނުތާ 2 ގަޑިއިރުގެ ތެރޭގައި ކުއްޖާއަސް ރައްކާތެރިކަން ފޯރުކޮށްދީފައިވާކަމަށް މިނިސްޓަރ ވިދާޅުވި އެވެ.
