ބުދަ 15 ޖުލައި 2020
01 ފުސް
1441 ޒުލްގައިދާ 24
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
އިރުއޮއްސޭ 18:24
އިޝާ 19:41
ފެނާންޑޭސް

ބެނެފިކާއަށް ކުޅެމުންއައި ފެނާންޑޭޒް ޓޮޓެންހަމްއަށް ބަދަލުވެއްޖެ

  • ފެނާންޑޭސް ޓޮޓެންހަމް އަށް ބަދަލުވީ ލޯނު އެއްބަސްވުމެއްގެ ދަށުން

ކ. މާލެ | 15 ޖެނުއަރީ 2020 | ބުދަ 21:08 | 2,589

ފެނާންޑޭސް - ގެޓީ އިމޭޖާސް

ބެނެފިކާއަށް ކުޅެމުންއައި ޒުވާން މިޑްފިލްޑަރ ގެޑްސަން ފެނާންޑޭޒް ލޯނު އެއްބަސްވުމެއްގެ ދަށުން ޓޮޓެންހަމްއަށް ބަދަލުވެއްޖެއެވެ.

21 އަހަރުގެ ޒުވާން ފޯވަރޑް ވަނީ މި ސީޒަނުގައި ބެނެފިކާގައި މޮޅު ކުޅުމެއް ދައްކަމުން އަންނައިރު އޭނާއަށް ޔޫރަޕުގެ ގިނަ ކްލަބުތަކަކުން އަންނަނީ ފާރަލަމުންނެވެ.

ފެނާންޑޭޒް އަކީ މި ޓްރާންސްފަރ މާރކެޓުގައި ޓޮޓެންހަމްއަށް ބަދަލުވި ފުރަތަމަ ކުޅުންތެރިޔާއެވެ.

ޓޮޓެންހަމްއަށް ބަދަލުވުމަށް ފަހު ފެނާންޑޭޒް ބުނީ ޓޮޓެންހަމްއަށް ކުޅުމަކީ އޭނާ ދެކެމުން އައި ހުވަފެނެއްކަމަށާއި، އެކަން ހަގީގަތަކަށް ވުމުން އެކަމާއި ހިތްހަމަޖެހިފައި ހުރި ކަމަށެވެ. މީގެ އިތުރުން އޭނާ ބުނީ ޔޫރަޕުގެ ބޮޑު ކުލަބަކަށް ކުޅުން އެއީ ޗެލެންޖެއް ކަމަށާއި، ނަމަވެސް މި ޗެލެންޖާ އޭނާ ކުރިމަތިލަނީ ކެރި ހުރެގެން ކަމަށާއި، އެނާ މި ޗެލެންޖް ކާމިޔާބު ކުރާނެ ކަމަށެވެ.

ފެނާންޑޭޒް ޓޮޓެންހަމާއި ގުޅުނުއިރު އެޓީމުގެ ކްރިސްޓަން އެރިކްސަން އިންޓަރ އަށް ބަދަލުވާން އުޅޭ ކަމުގެ އަޑުތައް މިވަނީ ގަދަވެފައެވެ. ޓޮޓެންހަމްގެ އޮފިޝަލަކު ބުނީ ޒުވާން ކުޅުންތެރިން ޓޮޓެންހަމާއި ގުޅެނީ ސަބަބުތަކެއް ހުރުމުން ކަމަށާއި، ޒުވާން ކުޅުންތެރިން އުފެއްދުމަކީ އެޓީމުގެ ކޯޗު ހޯސޭ މޮރީނިއޯ ބޭނުންވާ ގޮތްކަމަށެވެ.

2017 ވަނަ އަހަރު ސީނިއަރ ކެރިޔަރު ބެނެފިކާއިން ފެށި ފެނާންޑޭޒް ވަނީ މިހާތަނަށް ބެނެފިކާއަށް ކުޅެދިން 23 މެޗުން ފަސް ލަނޑު އެޓީމަށް ކާމިޔާބުކޮށްދީފައެވެ. އަދި 2018 ވަނަ އަހަރު ޕޯޗުގަލްގެ ސީނިއަރ ގައުމީ ޓީމުން އޭނާ ވަނީ ޖާގަ ހޯދާފައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.