މާލޭ ޖަލު ނެގުމަށްފަހު، ދަރުމަވަންތަ ސްކޫލްގެ އައު އިމާރާތް އަޅާނީ އެ ސަރަހައްދުގައި: އެޑިއުކޭޝަން
12 ޖެނުއަރީ 2020 | އާދީއްތަ 12:21ޖަލު އެތަނުން ނެގުމަށްފަހު، ޖެހިގެން އޮތް ބިމާއެކު ބޮޑު ޖާގައެއްގައި ދަރުމަވަންތަ ސްކޫލް އިމާރާތް ކުރުމަށް ވަނީ ލިބިފައި
ދަރުމަވަންތަ ސްކޫލް މިހާރު ހިނގަމުން އަންނަ ވަގުތީ އިމާރާތުގައި: ކުރިއަށް އޮތް ދެ އަހަރުގެ ތެރޭގައި މާލޭ ޖަލު ހުންނަ ސަރަހައްދުގައި އިމާރާތްކުރާ ދަރުމަވަންތަ ސުކޫލްގެ އައު އިމާރާތުގައި ކިޔަވައިދޭން ފެ
ދަރުމަވަންތަ ސްކޫލްގެ އައު ޢީމާރާތް ހެދުމަށް ނިންމާފައިވަނީ، މިހާރު މާލޭ ޖަލު ހުރި ކޮށްޓާއި ޖެހިގެން އޮތް ކޮށި އެއްކޮށްލައިގެން ކަމަށް އެޑިއުކޭޝަން މިނިސްޓަރު ޢާއިޝަތު ޢަލީ ވިދާޅުވެއްޖެ އެވެ.
އެޑިއުކޭޝަން މިނިސްޓްރީގައި އާދިއްތަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރު ޢާއިޝަތު ޢަލީ ވިދާޅުވީ މިހާރު މާލޭ ޖަލު ހުރި ކޮށްޓާއި، ޖަލާ އިންވެގެން އޮތް ކޮށި އެއްކޮށްލައިގެން ދަރުމަވަންތަ ސްކޫލް ޢިމާރާތްކޮށް ނިމޭއިރު، އެ ސްކޫލަކީ މާލޭގައި ހުރި އެންމެ ތަނަވަސް އަދި އެންމެ ފެންވަރު ރަނގަޅު އެއް ސްކޫލަށް ވެގެންދާނެ ކަމަށެވެ.
މިނިސްޓަރު ވިދާޅުވީ، ދަރުމަވަންތަ ޢިމާރާތް ކުރަނީ، މިހާރު ދުނިޔޭގެ އެންމެ ފެންވަރު ރަނގަޅު މޮޑެލްތައް ބަލައިގެން، އެއްދަންފަޅީގެ މަދަރުސާއެއް ހިންގުމަށް ބޭނުންވާ ހުރިހާ ވަޞީލަތްތަކާއެކު ކަމަށެވެ.
މިނިސްޓަރު ޢާއިޝަތު ޢަލީ ވިދާޅުވީ އެއް ދަންފަޅިއަށް މަދަރުސާއެއް ހިންގާއިރު، ދުޅަހެޔޮ، ހަށިހެޔޮ، ރަނގަޅު ޞިއްޙަތެއްގައި ދަރިވަރުން ބޭތިއްބުމަކީ ވަރަށް ބޮޑު އިސްކަމެއް ދެއްވާ ކަމެއް ކަމަށެވެ.
މިނިސްޓަރު ވިދާޅުވީ، ދަރުމަވަންތަ ސްކޫލްގެ މަޝްރޫޢު އެއްކޮށް ނިންމާލަން ދެ އަހަރު ދުވަސް ނަގާނެ ކަމަށެވެ. އަދި އެ މަޝްރޫޢު ކުރިއަށް ގެންދަނީ ދެ ފިޔަވައްސަކަށް ބަހާލައިގެން ކަމަށް ވެސް މިނިސްޓަރު ވިދާޅުވި އެވެ. އެހެންނަމަވެސް 18 މަސްދުވަހުގެ ތެރޭގައި ދަރުމަވަންތައިގެ އައު ޢިމާރާތުގައި ދަރިވަރުންނަށް ކިޔަވާދޭން ފެށޭވަރު ވާނެ ކަމަށްވެސް މިނިސްޓަރު ޢާއިޝަތު ޢަލީ ވިދާޅުވި އެވެ.
ދަރުމަވަންތަ ސްކޫލަކީ، މަޖީދިއްޔާ ސްކޫލް ދެބަޔަކަށް ބަހާލުމަށްފަހު، އުފެއްދި ސްކޫލެކެވެ. މަޖީދިއްޔާ ސްކޫލްގެ ހުޅަނގުބައި ދީފައިވަނީ ދަރުމަވަންތަ ސުކޫލް ހިންގުމަށެވެ. ނަމަވެސް އެ ޢިމާރާތް ބާވުމުގެ ސަބަބުން މަރާމާތު ކުރުމަށް ބަންދު ކުރުމަށްފަހު، ދަރުމަވަންތަ ސްކޫލް ހިންގަމުންދަނީ، ވެލާނާގެ ހުސްކޮށްއޮތް ބިމުގައި ދަގަނޑު ބޭނުންކޮށްގެން ރާވާފައިވާ ވަގުތީ ޢިމާރާތެއްގަ އެވެ.
މާލެ ޖަލު ގުޅީފަޅަށް ބަދަލު ކުރުމަށް ސަރުކާރުން މިހާރު ވަނީ ނިންމާފަ އެވެ.
