އަލިފާން ރޯކޮށްގެން އެމްއެންޑީއެފްގެ ތަމްރީނުތަކެއް މާދަމާ ކުރިއަށްގެންދަނީ

އަލިފާން ރޯކޮށްގެން މޯލްޑިވްސް ނެޝަނަލް ޑިފެންސް ފޯރސް (އެމްއެންޑީއެފް) ގެ ތަމްރީނު ޙަރަކާތްތަކެއް ކުރިއަށްގެންދިއުމަށް ހަމަޖެހިފައިވާކަމަށް އެމްއެންޑީއެފުން ބުނެފިއެވެ.

އެކަމާ ގުޅޭގޮތުން އެމްއެންޑީއެފުން ބުނީ، މި ތަމްރީނު ތަކަކީ އެމްއެންޑީއެފް ކޯސްޓްގާރޑުން އެމްޕީއެލްގެ މުވައްޒަފުންނަށް ހިންގާ ޕޯރޓް ސެކިއުރިޓީ ތަމްރީނު ކޯހެއް ކަމަށެވެ. އެގޮތުން މި ތަމްރީނު ޙަރަކާތްތައް އާދިއްތަ ދުވަހު ހެނދުނު 08:00 އިން 11:00 އަށް ކުރިއަށްދާނެކަމަށް އެމްއެންޑީއެފުން ބުނެއެވެ.

މި ތަމްރީނުތައް ކުރިއަށްދާނީ މާލޭ ކޮމަރޝަލް ބަނދަރުގައެވެ.

އެމްއެންޑީއެފުން އިތުރަށް ބުނީ، މި ތަމްރީނުތަކުގައި އަލިފާން ރޯކުރުމާއި، ބައެއް ވެހިކަލްތައް އެ ޞަރަޙައްދުގައި ހަރަކާތްތެރިވުންވެސް ހިމެނޭ ކަމަށެވެ.