މަޑަވެލީގެ ގެއެއްގައި އަލިފާނުގެ ހާދިސާއެއް ހިނގާ، ބޮޑެތި ގެއްލުންތަކެއް ވެއްޖެ
9 ޖެނުއަރީ 2020 | ބުރާސްފަތި 07:12ހާދިސާ ހިނގާފައިވަނީ "ނާރެސް" ނަމަކަށް ކިޔާ ގެއެއްގައި
ހާދިސާ ހިނގާފައިވަނީ \"ނަރެސް\" ނަމަކަށް ކިޔާ ގެއެއްގައި
ގދ.މަޑަވެލި ގެއެއްގައި އަލިފާނުގެ އަލިފާނުގެ ހާދިސާއެއް ހިނގާ ބޮޑެތި ގެއްލުންތަކެއް ވެއްޖެއެވެ.
މި ހާދިސާއާއި ގުޅިގެން އެމްއެންޑީއެފްއިން ބުނީ މި ހާދިސާ ހިނގައިގެން އެމްއެންޑީއެފް ސަދަރން އޭރިއާ ގދ. ތިނަދޫ ފަޔަރ ސްޓޭޝަން އިން ހަރަކާތްތެރިވެފައިވާކަމަށެވެ. އެގޮތުން އަލިފާން ނިއްވާ ސިފައިން އެ ސަރަހައްދަށް ދިޔައިރު އެ ގޭގައި ރޯވި އަލިފާން ރަށުގެ ރައްޔިތުން ކުރި މަސައްކަތުން ވަނީ ނިއްވާލާފަ ކަމަށެވެ.
އެމްއެންޑީއެފް އިން ބުނީ އެ ގޭގެ 80% އަނދާފައިވާ ކަމަށާއި އެ ހާދިސާގެ ރިޕޯޓު ލިބިފައިވަނީ 8:20 ގައި ކަމަށެވެ.
"ނަރެސް" ނަމަކަށް ކިޔާ މި ގޭގެ ހަތަރު ކޮޓަރި އެއްކޮށް އަނދާފައިވާއިރު ދެ ކޮޓަރި އަށް ދުމުގެ އަސަރުކޮށްފައިވާ ކަމަށް މައުލޫމާތު ލިބިފައިވެއެވެ.
ރާއްޖެ. އެމްވީ އަށް މައުލޫމާރު ދެމުން އަލިފާނުގެ ހާދިސާ ހިނގި ގޭގައި ދިރިއުޅޭ ފަރާތެއް ބުނީ އަލިފާނުގެ ހާދިސާ ހިނގުމަށް މެދުވެރިވީ ކަނޑައެޅިގެން ކިހިނެއްވެގެން ކަމެއް ނޭނގޭ ކަމަށެވެ. ނަމަވެސް ބޮޑަށް ލަފާ ކުރެވެނީ މިހާދިސާ ހިނގީ ކަރަންޓުގެ މައްސަލައަކާއި ގުޅިގެން ކަމަށެވެ.
އެ ފަރާތުން އިތުރަށް ބުނީ ރަށު ރައްޔިތުންގެ ފަރާތުން ވަރަށް ބޮޑު އެހީތެރިކަމެއް ލިބުނު ކަމަށެެވެ. އެގޮތުން އެ ގޭގައި ދިރިއުޅޭ ކުޑަކުދިން ތިބީ އެހެން ގެތަކުގައި އުޅެމުންދާ އާއިލާއާއި އެކު ކަމަށް މައުލޫމާތު ދެމުން ބުނެފައިވެއެވެ. އެފަރާތުން ބުނީ އެގެ ވަރަށް ބޮޑަށް ހަލާކުވެފައި ކަމަށާއިއެގޭގަައި ދިރިއުޅޭ ބައެއް ފަރާތްތަކަށް އަދިވެސް ހުރުމުގެ އިންތިޒާމް ހަމަޖެހިފައިނުވާ ކަމަށެވެ.
