15 ރަށެއްގަ ކުޑަކުދިންގެ ޕާކު ތަރައްގީ ކުރަނީ
7 ޖެނުއަރީ 2020 | އަންގާރަ 07:19މަހުލޫފް މިހެން ހާމަކުރައްވާފައިވަނީ ހޯމަ ދުވަހުގެ ރޭ ކުރެއްވި ޓުވީޓަކުން
ޔޫތު މިނިސްޓަރ އަހުމަދު މަހުލޫފު
15 ރަށެއްގައި ކުޑަކުދިންގެ ޕާކު ތަރައްޤީ ކުރުމަށް ބޭނުންވާ ސާމާނު އަވަސް މުއްދަތެއްގެ ތެރޭގައި އެ ރަށްރަށަށް ފޮނުވޭނެ ކަމަށް ޔޫތު މިނިސްޓަރ އަހުމަދު މަޚްލޫފު ވިދާޅުވެއްޖެއެވެ.
މަޚްލޫފު މިކަން ހާމަކުރައްވާފައިވަނީ ހޯމަ ދުވަހުގެ ރޭ ކުރެއްވި ޓުވީޓަކުންނެވެ.
ޕާކު ތަރައްޤީ ކުރުމަށް ސާމާނު ފޮނުވުމަށް ހަމަޖެހިފައިވާ ރަށްތަކުގެ ތެރޭގައި ކ. ގުޅި، ގދ. ރަތަފަންދޫ، ގދ. ތިނަދޫ، އއ. ރަސްދޫ، ކ.ގާފަރު، ބ.ކިހާދޫ، މ. ރަތްމަންދޫގެ އިތުރުން ގދ. ވާދޫ ހިމެނެއެވެ. އަދި މީގެ އިތުރުން ތ. ހިިރިލަންދޫ، ހއ. ތުރާކުނު، އދ. ކުނބުރުދޫ، ގއ. ނިލަންދޫ، ތ ވަންދޫ، ރ. ވާދޫ ގެ އިތުރުން ތ. ކަނޑޫދޫގައި ޕާކު ތަރައްޤީ ކުރުމަށް ސާމާނު ފޮނުވުމަށްވެސް ވަނީ ހަމަޖެހިފައެވެ.
މިނިސްޓަރުގެ މި ޓުވީޓާއި ގުޅިގެން، މިހާރު އެޅުމަށް ޤަސްތުކުރެވިފައިވާ ޕާކުތަކާއި މެދު އާއްމުންގެ ފަރާތުންވަނީ ކަންބޮޑުވުން ފާޅުކޮށްފައެވެ. އެގޮތުން އެ ޕާކުތައް އަޅާނީ އަވި ދޭ ޞަރަޙައްދުތަކުގައިތޯ ޢާންމުން ސުވާލު އުފައްދާފައިވެއެވެ. ބައެއް ފަރާތްތަކުން އެ ޕާކުތައް ހިޔާ ލިބޭ ތަންތަނުގައި އެޅުމަށް އިލްތިމާސް ކުރަމުންދާއިރު، އަނެއް ބަޔަކު ދަނީ ޕާކުތައް އެޅުމަށްފަހު، އެ ޕާކުތައް ދެމެހެއްޓެނިވި ގޮތެއްގައި މަރާމާތުކޮށް ބަލަހައްޓާނެ ތޯ ސުވާލު އުފައްދަމުންނެވެ.
