ގެއްލުނު މީހާ ހޯދުމަށް ދަނީ ޑައިވިންގް ރޮބޮޓް ބޭނުން ކުރަމުން: އެމްއެންޑީއެފް
4 ޖެނުއަރީ 2020 | ހޮނިހިރު 08:05އޮޕަރޭޝަން ދަނީ ހުއްޓުމެއްނެތި ކުރިއަށް
ގެއްލިގެން ހޯދަމުންދަނީ ބ. އޭދަފުއްޓަށް ނިސްބަތްވާ އުމުރުން 41 އަހަރުގެ ނަސްރުﷲ އަބްދުﷲ
ބުރާސްފަތި ދުވަހުގެ ރޭ ބ. ދޮންފަނު ކައިރިން ޑިންގީއަކާއި ލޯންޗެއް ޖެހި ހިނގި އެކްސިޑެންޓުގައި ޑިންގީން ގެއްލުނު މީހާ އަދި މިހާތަނަށް ނުފެންނަ ކަމަށާއި އޭނާ ހޯދުމަށް ޑައިވިންގް ރޮބޮޓު ބޭނުން ކުރަމުންދާ ކަމަށް އެމްއެންޑީއެފުން ބުނެފިއެވެ.
އެމްއެންޑީއެފް އިން ބުނީ އެމީހާ ވެސް އަދި ޑިންގީވެސް މިހާތަނަށް ފެނިފައި ނުވާކަމަށެވެ. އަދި އެމީހާ ހޯދުމަށް ކުރިއަށް ގެންދާ ޚާއްސަ އޮޕަރޭޝަން ހުއްޓާނުލާ ކުރިއަށް ގެންދާ ކަމަށް ބުނެފައިވެއެވެ.
އެމްއެންޑީއެފް އިން ބުނީ ކޯސްޓް ގާޑުގެ ޑައިވަރުން ހޯމަ ދުވަހު ވެސް ޑައިވް ކުރަމުންދާ ކަމަށެވެ. އަދި ޑައިވިންގް ރޮބޮޓު ބޭނުން ކުރަމުންދާއިރު ކޯސްޓްގާޑު ލޯންޗުން ދަނީ ކަނޑު އޭރިއާގެ ސަރފޭސް ބަލަމުން ކަމަށެވެ.
ގެއްލިގެން ހޯދަމުންދަނީ ބ. އޭދަފުއްޓަށް ނިސްބަތްވާ އުމުރުން 41 އަހަރުގެ ނަސްރުﷲ އަބްދުﷲ އެވެ. އެމީހާ ގެއްލުނު ކަމުގެ މައުލޫމާތު އެމްއެންޑީއެފް އަށް ލިބިފައިވަނީ ބުރާސްފަތި ދުވަހުގެރޭ 19:06 އެވެ.
