އަރިއަތޮޅުގެ 4 ރަށެއްގައި ފާނަ އާލާކުރުމުގެ މަސައްކަތް އަންނަ ހަފުތާގައި ފަށަނީ
2 ޖެނުއަރީ 2020 | ބުރާސްފަތި 14:24ބޭނުންވަނީ ވީހާވެސް ގިނަ ބަޔަކާ ހަމައަށް މި މަސައްކަތް ގެންގޮސްދިނުން
މިނިސްޓަރ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ ޒަހާ ވަހީދު
އަރިއަތޮޅުގެ 4 ރަށެއްގައި ފާނަ އާލާކުރުމުގެ މަސައްކަތް ފެށުމަށް ތައްޔާރުވެފައިވާ ކަމަށް މިނިސްޓަރ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ ޒަހާ ވަހީދު ވިދާޅުވެއްޖެއެވެ.
"ރާއްޖެ ޓީވީގެ ފަލަ ސުރުޚީ ޕްރޮގުރާމުގަ ވާހަކަ ދައްކަވަމުން މިނިސްޓަރ ޒަހާ ވިދާޅުވީ އެކުއާ ކަލްޗާއަކީ މި ސަރުކާރުގެ ވައުދެއް ކަމަށާއި، ވަކި ސިނާޢަތެއްގެ ގޮތުގައި ތަރައްޤީކުރާނެ ކަމަށެވެ. އަދި އަންނަ ހަފުތާގަ ފިޝަރީޒް މިނިސްޓްރީން އަރިއަތޮޅުގަ ފާނަ ބޮޑު ކުރުމަށްޓަކައި 4 ރަށެއްގެ މީހުންނާއެކީ މަސައްކަތް ފަށާނެ ކަމަށެވެ.
މިނިސްޓަރ ވިދާޅުވީ ހުއިފިލަނޑާގެ މަސައްކަތެއް މިނިސްޓްރީން ލ. އަތޮޅުގައި ފަށާފައިވާނެ ކަމަށާއި، އެމަޝްރޫޢު ހުއްޓުމާއެކު އެ މަސައްކަތް ވެސް ހުއްޓިފައިވާ ކަމަށެވެ. އެހެންނަމަވެސް މިކަމަށް ޝައުޤުވެރިވާ ބޭފުޅުން ތިބިކަމުގައި ވާނަމަ، މިނިސްޓްރީން ހުއިފިލަނޑާ އާލާކުރުމުގެ މަސައްކަތް ފުޅާކޮށް އިތުރު ފަރާތްތަކާއެކު މަސައްކަތް ކުރުމަށް ރާވާފައިވާ ކަމަށް މިނިސްޓަރ ވިދާޅުވިއެވެ.
ފާނަ އާއި ހުއިފިލަނޑާ އާލާ ކުރަން ގއ. މާނާގަލާގައި ހެޗަރީއެއް އެޅުމުގެ މަސައްކަތް ކުރިއަށްދާ ކަމަށް ފިޝަރީޒް މިނިސްޓްރީން ހާމަކޮށްފައިވަނީ ގދ. ތިނަދޫގަ ބޭއްވި “ޖަޒީރާ ހޮޅުއަށީ” ގައި ވާހަކަ ދައްކަވަމުން ފިޝަރީޒް މިނިސްޓަރު ޒަހާ ވަހީދެވެ. މިނިސްޓަރ ވިދާޅުވީ ވޯރލްޑް ބޭންކްގެ އެހީގައި މާނާގަލާގައި ހެޗަރީއެއް އެޅުމުގެ މަޝްރޫއެއް ކުރިއަށްދާ ކަމަށާ، މި ތަނުގައި އާލާ ކުރާނެ އެންމެ ޚާއްޞަ ބާވަތަކީ ފާނަ ކަމަށް މިނިސްޓަރ ވިދާޅުވިއެވެ.
މީގެ އިތުރުން ކ. މަނިޔަފުށީގައި ޓްރެއިނިން ސެންޓަރަކީ ކުދި ދިރުންތައް އާލާ ކުރުމާއި ފަޅުގޮވާން ކުރުމުން ކަމަށް މިނިސްޓަރު މީގެ ކުރިން ވަނީ ހާމަކޮށްފައެވެ.
