އީރާނުގެ ވަގު މާކެޓުން ތެޔޮ ގަނެގެން ބޭރު ކުރުމުގެ ތުހުމަތުގައި އީރާނުގެ ކަނޑުގެ އަސްކަރިއްޔާއިން މެލޭޝިޔާގެ ތެޔޮ ޓޭންކަރެއް ހިފަހައްޓައިފިއެވެ.

އީރާނުގެ ރިވޮލިއުޝަނަރީ ގާޑްސްގެ ކޮމާންޑާ ބްރިގޭޑިއާ ޖެނެރަލް އަލީ އޯޒްމަވީ ވިދާޅުވީ އިރާންގެ ކަނޑުގެ އަސްކަރިއްޔާއިން ހިފެހެއްޓި މި ޓޭންކަރުގައި އީރާނުން ވަގަށް ބޭރުކުރަން އުޅުނު 1.3 މިލިއަން ލީޓަރުގެ ތެޔޮ ފީފާ ހުރި ކަމަށާއި އަދި މި ޓޭންކަރު ހިފެހެއްޓީ އީރާނުގެ އަބޫ މޫސާގެ 15 ނޮޓިކަލް މޭލު ބޭރުން ކަމަށެވެ.

މޭލޭޝިއާގެ މި ޓޭންކަރު ހިފަހައްޓައިފައިވަނީ ޕާޝިއަން ގަލްފް ސަރަހައްދުގައި އޮންނަ އަބޫ މޫސާ ނަމަކަށް ކިޔާ ރަށެއްގެ ކައިރިންނެވެ. އީރާން ނޭވީ އިން ބުނީ މި ޓޭންކަރުން ދަތުރުކުރި 16 މީހުން ވަނީ ހައްޔަރު ކޮށްފައި ކަމަށާއި މި އެންމެންނަކީ ވެސް މެލޭޝިއާގެ ރައްޔިތުންކަމަށެވެ.

އިރާނުން ވަނީ މިދިޔަ ސެފްޓެމްބަރު މަހު ޕިލިޕީންސްގެ ތެޔޮ ޓޭންކަރެއް ވެސް ވަގަށް ތެޔޮ ބޭރުކުރާ ކަމުގެ ތުހުމަތުގައި ހިފަހައްޓާފައެވެ. އަދި ޖުލައި މަހު ވެސް ވަނީ ތެޔޮ ޓޭންކަރެއް ހިފަހައްޓާފައެވެ. މީގެ އިތުރުން އިނގިރޭސިވިލާތުގެ ތިން ތެޔޮ ޓޭންކަރަކާއި ޔޫއޭއީގެ ތެޔޮ ޓޭންކަރެއް ހޮރޮމުޒް ކަނޑުއޮޅިން ހިފަހައްޓާފައިވެއެވެ. އެ ސަރަހައްދުގައި ހަމަނުޖެހުން އުފެދެން ފެށީ އިރާނުން އިނގިރޭސިވިލާތުގެ ޓޭންކަރުތައް ހިފަހައްޓާ ކަމަށް ބުނެ ބާރުގަދަ ގައުމުތަކުން ހާއްސަ އޮޕަރޭޝަނާ ހަމައިންނެވެ.

ހޮރޮމުޒް ކަނޑުއޮޅިއަކީ އެންމެ ގިނައިން ތޮޔު އެކްސްޕޯޓް ކުރުމާއި އިމްޕޯޓް ކުރަމުން އަންނަ ކަނޑުގެ މަގެވެ.