ހޯމަ 21 ސެޕްޓެންބަރ 2020
01 އަތަ
1442 ސަފަރު 03
ފަތިސް 04:43
އިރުއަރާ 05:54
މެންދުރު 12:03
އަސްރު 15:06
އިރުއޮއްސޭ 18:05
އިޝާ 19:16
އެމްއެންޑީއެފް

ނެރު ފައިކަށީގައި ޖެހި ގެއްލުން ލިބުނު ސީ އެމްބިއުލާންސް އަޑިއަށް ގޮސްފި

  • ހާދިސާގެ ރިޕޯރޓް އެމްއެންޑީއެފަށް ލިބުނީ ހޯމަ ދުވަހުގެރޭ ފަތިހު 5:30 ގައި
  • ހާދިސާ ހިނގި އިރު ލޯންޗުގައި 7 މީހުން ދަތުރުކުރި
  • މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވޭ

ކ. މާލެ | 31 ޑިސެންބަރ 2019 | އަންގާރަ 12:50 | 8,317

ބަލި މީހަކު ގޮވައިގެން ދިޔަ ސީ އެމްބިއުލާންސް އަޑިއަށް ގޮސްފައި - އެމްއެންޑީއެފް

ނެރުން ނިކުންނަށް އުޅެނިކޮށް، ނެރުގެ ފައިކަށީގައި ޖެހި ގެއްލުންވި ސީ އެމްބިއުލާންސް އަޑިއަށް ގޮސްގެން އެމްއެންޑީއެފްއިން ހަރަކާތްތެރިވާން ފަށައިފިއެވެ.

އެކަމާގުޅޭގޮތުން އެމްއެންޑީއެފުން ބުނީ، މި ހާދިސާގެ މައުލޫމާތު އެމްއެންޑީއެފްގެ މެރިޓައިމް ރެސްކިއު އެންޑް ކޯޑިނޭޝަން ސެންޓަރު (އެމްއާރްސީސީ)އަށް ލިބިފައިވަނީ ހޯމަ ދުވަހުގެރޭ ފަތިހު 5:30 ގައި ކަމަށާއި، ހާދިސާ ހިނގި އިރު ލޯންޗުގައި 7 މީހުން ދަތުރުކުރި ކަމަށެވެ.

އަދި މި ހާދިސާގައި އެއްވެސް މީހަކަށް ގެއްލުމެއް ލިބިފައިނުވާކަމަށް އެމްއެންޑީއެފުން ބުނެއެވެ. އަދި ލޯންޗު އަޑިއަށް ގޮސްފައިވަނީ އޭގައި ތިބި އެންމެން ސަލާމަތްކުރި ފަހުން ކަމަށްވެސް އެމްއެންޑީއެފްއިން މައުލޫމާތު ދީފައިވެއެވެ.

ބަލި މީހަކު ގޮވައިގެން ދިޔަ ސީ އެމްބިއުލާންސް އަޑިއަށް ގޮސްފައި

އެމްއެންޑީއެފުން ބުނީ، ލޯންޗު ދިޔަވާންފެށީ ނ މާޅެންދޫ ނެރުން ނުކުންނަން އުޅެނިކޮށް ރާޅެއް ޖެހުމުގެ ސަބަބުން ލޯންޗު ނެރު ތޮށިގަނޑުގައި ޖެހި ފަޅައިގެން ދިއުމުގެ ސަބަބުން ކަމަށެވެ.

އެމްއެންޑީއެފް ކޯސްޓްގަރޑުން މިހާރު އަންނަނީ، މޫދު އަޑިން ލޯންޗު ނެގުމުގެ މަސައްކަތް ކުރަމުންނެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.