ޕްރިޔަންކާ އާއި ނިކް އަހަރު ނިންމާލަނީ ކެލިފޯނިއާގެ ފަރުބަދަތައް މަތިން

އަހަރު ނިމެން ދެތިން ދުވަހަށް ވެފައިވާއިރު ބޮލީވުޑްގެ މަޝްހޫރު ބަޠަލާ ޕްރިޔަންކާ ޗޯޕްރާ އާއި އޭނާގެ ފިރިމީހާ އެމެރިކާގެ ލަވަކިޔުންތެރިޔާ ނިކް ޖޯނަސް ޗުއްޓީ ހޭދަކުރަމުންދަނީ ކެލިފޯނިއާގެ މަޝްހޫރު މެމޮތް ފަރުބަދަމަތީ ޞަރަޙައްދުގަ އެވެ.

ނިކް އާއެކު ނަގާފައިވާ ފޮޓޯ ގަނޑެއް އިންސްޓަރގްރާމަށް ލަމުން ޕްރިޔަންކާ ބުނެފައިވަނީ "ބައި ވޮންޑަރލޭންޑް، ޔޫވިލް ބީ މިސްޑް، ސީ ޔޫ އިން 2020 " މިހެންނެވެ. އެއް ވައްތަރެއްގެ ހެދުން ލައިގެން އަތުގުޅާލައިގެން ދެމީހުން ތިބި މިފޮޓޯގައި ދެމީހުންވެސް ތިބީ ފިނި ޞަރަޙައްދެއްކަމުން އެކަމުން ސަލާމަތްވުމަށް ބޭނުންވާ ހެދުން ލައިގެންނެވެ. ފަރުބަދަ މަތީގައި ނަގާފަ ހުރި އެހެން ފޮޓޯތައްވެސް ޕްރިޔަންކާ ވަނީ އިންސްޓަރގްރާމަށް ލާފައެވެ.

މީގެކުރިން ޕްރިޔަންކާ އާއި ނިކް ވަނީ ޢާއިލާ އާއެކު ކްރިސްމަސްވެސް ފާހަގަކޮށްފައެވެ.

ޕްރިޔަންކާ އާއި ނިކް ކައިވެނިކޮށްފައިވަނީ މިދިޔަ އަހަރުގެ ޑިސެންބަރ މަހު އެވެ.