ކަރީނާ އާއިލާއާއެކު ޗުއްޓީ ހޭދަކުރުމަށް ސްވިޒެލެންޑްގައި

ކަރީނާ ކަޕޫރް ޚާނާއި އޭނާގެ ޢާއިލާ ސްވިޒަލެންޑުގައި ޗުއްޓީ ހޭދަކުރަމުން އެބަދެއެވެ.

މަޢުލޫމާތުދީފައިވާ ގޮތުގަ، ކަރީނާއާއެކު ފިރިމީހާ ސައިފް އަލީ ޚާނާއި، ދަރިފުޅު ތައިމޫރް އަލީ ޚާނުގެ އިތުރުން ކަރީނާގެ ދައްތަ ކަރިޝްމާ ކަޕޫރުވެސް ބައިވެރިވިއެވެ.

ކަރިޝްމާ ވަނީ އެ ޢާއިލާ ސްވިޒަލެންޑުގައި ޗުއްޓީ ހޭދަކުރަމުންދާ ގޮތުގެ ފޮޓޯތައް އިންސްޓަރގްރާމަށް ޕޯސްޓުކޮށްފަ އެވެ. ފޮޓޯތައް ޕޯސްޓުކުރަމުން ކަރިޝްމާ ބުނެފައިވަނީ މިއީ ޢާއިލާގެ ވަގުތުކަމަށެވެ. ސްވިޒަލެންޑަށް މިދުވަސްވަރަކީ ފިނިމޫސުންކަމުން އެންމެންވެސް ތިބީ ފިނި ހެދުންލައިގެންނެވެ.

ކަރީނާ އާއި ސައިފަކީ އަބަދުވެސް ޢައިލީ ވަގުތު ރާވައިގެން ޤައުމުން ބޭރުގައި ހޭދަކުރަމުންދާ ދެ ތަރިންނެވެ. ދެ ތަރިންގެ ސަޕޯޓަރުންވެސް މިދެތަރިން ޗުއްޓީ ހޭދަކުރަމުންދާ ގޮތް ގާތުން ބަލަމުންދެއެވެ. މިއަހަރު ކުރީ ކޮޅު ދެތަރިން ވަނީ ލަންޑަންގައި ޗުއްޓީ ހޭދަކޮށްފައެވެ. އެފަހަރު ތެރޭގައި ދެ ތަރިންގެ ދެ ފިލްމެއްގެ ޝޫޓިންގެ މަސައްކަތްވެސް ކޮށްފައިވެ އެވެ.

ކަރީނާގެ އެންމެ ފަހުގެ ފިލްމު ގުޑް ނިއުޒް މިހާރު ސިނަމާތަކުގައި އަޅުވާފައިވާއިރު، ފިލްމު އެޅުވި ދުވަހު އެފިލްމަށް 18 ކްރޯޑް ރުޕީޒް ލިބިފައިވާކަމަށް ރިޕޯޓުތައް ބުނެއެވެ.