އެއްވެސް އިރެއްގަ ޤައިދީއަކު އޮޅުމަކުން ދޫކޮށްފައެއް ނުވާނެ: ކަރެކްޝަންސް
26 ޑިސެމްބަރު 2019 | ބުރާސްފަތި 12:20ހައްޔަރު ކޮށްފައިވަނީ 41 އަހަރުގެ މީހެއް
މާފުށި ޖަލު
މާލެ ޖަލުގައި ޙުކުމް ތަންފީޒު ކުރަމުން ދިޔަ މީހަކު އޮޅިގެން ދޫކުރެވުނު ކަމަށް ދެކެވޭ ވާހަކަތައް މޯލްޑިވްސް ކަރެކްޝަނަލް ސަރވިސް (އެމްސީއެސް) އިން ދޮގުކޮށްފިއެވެ.
ކަރެކްޝަންސް އިން މިހެން ބުނީ މާލެ ޖަލުގައި 25 އަހަރުގެ ޙުކުމެއް ތަންފީޒު ކުރަމުން ދިޔަ މީހަކު ދޫކޮށްލާފައިވާ ކަަމަށް އަޑު ފެތުރިފައިވާތީއެވެ. ކަރެކްޝަންސް އިން މިހެން ބުނި ނަމަވެސް، ޙުކުމް ތަންފީޒު ކުރުމަށް އެމްސީއެސް އިން އެދިގެން ފުލުހުން ވަނީ މީހަކު ހައްޔަރު ކޮށްފައެވެ.
ބުރާސްފަތި ދުވަހު ފުލުހުން މީޑިއާތަކަށް ފޮނުވާފައިވާ މެސެޖެއްގައި ބުނީ، ޙުކުމް ތަންފީޒު ކުރުމަށް ކަރެކްޝަންސްއާ ޙަވާލުކުރުމަށް އެދި ފުލުހުންނަށް ލިބިފައިވާ ކޯޓު ޢަމުރުގެ ދަށުން މި ހިނގާ މަހުގެ 11 ވަނަ ދުވަހު މ. މުލަކުން 41 އެއް އަހަރުގެ ފިރިހެނަކު ފުލުހުންގެ ބެލުމުގެ ދަަށަށް ގެންގޮސްފައިވާ ކަމަށެވެ. އަދި ޑިސެންބަރު މަހުގެ 14 ވަނަ ދުވަހު އޭނާ ދޫނިދޫ ކަސްޓޯޑިއަލް އަށް ޙަވާލުކުރެވިފައިވާ ކަމަށް ފުލުހުން ބުންޏެވެ. އެމްސީއެސް ގައި ޖާގަ ނެތުމުގެ ސަބަބުން އެމީހާ ހުރީ އަދިވެސް ދޫނިދޫ ޖަލުގައެވެ.
