ކ.މާފުށި ފިހާރައަކުން 14 ސިގިރޭޓް ކާޓޫން ވަގަށް ނަގައިފި
23 ޑިސެމްބަރު 2019 | ހޯމަ 17:56ހައްޔަރުކޮށްފައިވަނީ 27 އަހަރުގެ ދިވެހި ފިރިހެނެއް
ވަގަށް ނަގާފައިވާ ސިގިރޭޓް ކާޓޫންތައް
ކ. މާފުށީ ފިހާރައެއް ފަޅާލައި 14 ކާޓޫން ސިނގިރޭޓް ވަގަށް ނަގައިފިއެވެ،.
މީޑިއާތަކަށް މައުލޫމާތު ދެއްވަމުން ފުލުހުން ބުނެފައިވަނީ، 23 ޑިސެމްބަރު 2019 ވީ ހޯމަ ދުވަހު މާލެ އަތޮޅު މާފުށީ ފިހާރައެއް ފަޅާލައި ވައްކަން ކޮށްފައިވާ މައްސަލައެއް ހޯމަ ދުވަހުގެ ދަނވަރު 3:50 ހާއިރު ލިބިފައިވާ ކަމަށާއި ވައްކަމުގައި ފިިހާރައިގެ ބިއްލޫރި ގަނޑު ތަޅާލުމަށް ފަހު 14 ކާޓޫން ސިނގިރޭޓް ވަގަށް ނަގާފައިވާކަމަށެވެ.
ފުލުހުން ބުނެފައިވަނީ ބިއްލޫރިގަނޑު ތަޅާލުމުގެ ތެރެއިން އެ ވައްކަމުގައި ތުހުމަތު ކުރެވޭ ފަރާތުގެ އަތް ކަނޑައިގެން ގޮސް ފިހާރާއިގެ ދޮރުގައާއި ތަޅުންގަޑުނގައި ލޭ ހޭކިފައި ހުރިކަމަށާއި މައްސަލައާއި ގުޅިގެން 27 އހަަރުގެ ދިވެހި ފިރިހެނަކު ފަތިގު 04:15 ހާއިރު ފުލުހުންގެ ބެލުމުގެ ދަށަށް ގެނެސްފައިވާކަމަށެވެ. އަދި ފިހާރައިން ވަގަށް ނެގި ސިނގިރޭޓް ކާޓޫންތައްވެސް ފުލުހުން ވަނީ ހޯދާފައެވެ.
މި މައްސަލައިގައި ހައްޔަރުކުރި މީހާގެ ބަންދާއި މެދު ގޮތެއް ނިންމުމަށް ކ.ހުރާ މެޖިސްޓްރޭޓް ކޯޓަށް ހާޒިރުކުރުމުން އެމީހާގެ ބަންދުގެ މުއްދަތަށް 15 ދުވަސް ޖަހާފައިވާކަމަށް ފުލުހުން ވަނީ ބުނެފައެވެ. މި މައްސަލަ ފުލުހުން ދަނީ ތަހުގީގުކުރަމުންނެވެ.
