ސައީދުގެ މޭސްތިރިކަމުގައި ފެނަކަ ކޯޕަރޭޝަނަށް ކާމިޔާބު އަހަރެއް
23 ޑިސެމްބަރު 2019 | ހޯމަ 15:34އްޖޭގެ އެކި ރަށްރަށަށް ޖުމްލަ 67 ޖަނެރޭޓަރުސެޓް ފޯރުކޮށްދީފައިވޭ
ފެނަކަ ކޯޕަރޭޝަންގެ މެނޭޖިންގް ޑިރެކްޓަރ
ފެނަކަ ކޯޕަރޭޝަންގެ މެނޭޖިންގް ޑިރެކްޓަރ އަޙްމަދު ސަޢީދު މުޙައްމަދު ފެނަކަ ކޯޕަރޭޝަން ލިމިޓެޑްގެ ހިންގުމާ ޙަވާލުވުމަށް އެއް އަހަރުފުރިގެންދިޔައިރު، ފާއިތުވި 1 އަހަރު ދުވަހުގެ ތެރޭގައި ކުންފުނިން ހާސިލްކޮށްފައިވާ މައިގަނޑު ކަންކަމުގެ ހުލާސާ އާންމުކޮށްފިއެވެ.
ފެނަކަ ކޯޕަރޭޝަނުން ނެރުނު ބަޔާނުގައި ބުނެފައިވަނީ ރާއްޖޭގެ އެކި ރަށްރަށަށް ޖުމްލަ 67 ޖަނެރޭޓަރު ސެޓް ފާއިތުވެގެންދިޔަ 1 އަހަރު ތެރޭގައި ފޯރުކޮށްދީފައިވާކަމަށާއި އޭގެ ތެރެއިން މިހާތަނަށް 60 ޖެންސެޓް އިންސްޓޯލް ކުރެވި، ކަރަންޓުގެ ޚިދުމަތް ދޭން ވަނީ ފަށާފައިވާކަމަށެވެ. އެގޮތުން ރަށެއްގެ އިންޖީނުގެ ހުރި ސަރަޙައްދުން އެހެން ސަރަޙައްދަކަށް ބަދަލުކުރުމުގެ މަޝްރޫޢު ފަށާފައިވާކަމަށް ފެނަކައިން ވަނީ ހާމަކޮށްފައެވެ.
މީގެއިތުރުން އިޓަލީގެ މިލާނޯ-ބިކޯކާ ޔުނިވަރސިޓީ މެދުވެރިކޮށް ފ. މަގޫދޫގައި ޤާއިމްކޮށްފައިވާ ސޯލަރ ކުރަންޓު ނިޒާމުންއުފައްދާ ކަރަންޓު ގަތުމަށް، ނޮން-ޔުޓިލިޓީ ފަރާތަކާއެކު ރާއްޖޭގައި ފުރަތަމަ ފަހަރަށް ސޮއިކުރެވުނު ޕަވަރ-ޕާރޗޭސް އެއްބަސްވުމުގައި ފ. މަގޫދޫ ކައުންސިލާއެ މިއަހަރުގެ ތެރޭގައި ފެނަކައިން ވަނީ ސޮއި ކޮށްފައެވެ. އަދި މިސްކިތްތަކުގައި ސޯލަރ-ޕީވީ އަދި އެއަރ-ކޮންޑިޝަން ޤާއިމްކުރުމުގެ އެއްބަސްވުމުގައި މިނިސްޓްރީ އޮފްއިސްލާމިކް އެފެއާރޒް އާއެކުވެސް ސޮއިކޮށްފައިވެއެވެ.
ފެނަކައިން ނެރުނު ބަޔާނުގައި ވަނީ އެކުންފުނިން މުވައްޒަފުންގެ އިޖްތިމާއީ ގުޅުން ހަރުދަނާކުރުމަށް ހިންގުނު ޙަރަކާތްތަކުގެ ތަފްސީލުވެސް ހިއްސާކޮސްފައެވެ. އެގޮތުން ހެޑް އޮފީހުގެ އަންހެން އަދި ފިރިހެން މުވައްޒަފުންނަށް ޚާއްސަކޮށްގެން ހޭންޑްބޯލް އަދި ފުޓްސަލް ޓޯނަމެންޓަކާއި އަތޮޅުތެރޭގެ ބްރާންޗްތަކުގެ މުވައްޒަފުންނަށް އަމާޒުކޮށްގެން ފުޓްސަލް ޓޯނަމެންޓް ބާއްވާފައިވެއެވެ.
މީގެ އިތުރުން ކުންފުނީގެ ސީ.އެސް.އާރުގެ ދަށުން މާލޭގައި ހިނގައިދިޔަ ހިތާމަވެރި އަލިފާނުގެ ހާދިސާގައި ގެއްލުންވި ދިވެހި އަޚުންނާއި އުޚްތުންނަށްފެނަކައިގެ މުވައްޒަފުންގެ ފަރާތުން 1 މިލިއަން ރުފިޔާގެ ފައިސާގެ އެހީ ފޯރުކޮށްދީފައިއެވެ. މީގެިއތުރުން މިނިސްޓްރީ އޮފް އެންވަޔަރަމަންޓް އާ ގުޅިގެން، ފެނަކަ ބްރާންޗްތައް މެދުވެރިކޮށް ރަށްރަށުގެ ރައްޔިތުންނަށް 90،000 އަށް ވުރެ ގިނަ ލެޑް ލައިޓް ފޯރުކޮށްދީފައިވާކަމަށް އެ ކުންފުނިން ވަނީ ބުނެފައެވެ.
މީގެއިތުރުން ބައިނަލްއަގްވާމީ ގުޅުން ބަދަހި ކުރުމަށްޓަކައިވެސް އެކުންފުނިން ވަނީ ތަފާތު އެކި ބައްދަލުވުންތައް ބާއްވާފައެވެ.
