ފިރިހެނަކާއި 3 ކުޑަކުދިންނާއި އެކު ދަތުރުކުރި ޑިންގީއެއް ގެއްލިގެން ހޯދަނީ!
20 ޑިސެމްބަރު 2019 | ހުކުރު 13:20މި ހާދިސާގެ ރިޕޯޓު ލިބިފައިވަނީ ހަވީރު 16:53 ގައި
ކޯސްޓްގާޑް
3 ކުދިންނާއި އެކު ދަތުރުފެށި ޑިންގީއެއް ގެއްލިގެން ހޯދުމަށް އެމްއެންޑީއެފްއިން ހަރާކާތްތެރިވާން ފަށައިފިއެވެ.
މީޑިއާތަކަށް މައުލޫމާތުދެމުން އެމްއެންޑީއެފުން ބުނެފައިވަނީ، އދ މާމިގިލިން ފުރައިގެން ފ. ފީއައްޔަށް ދަތުރުކުރި 20 ފޫޓު ޑިންގީއެއްގެ ހަބަރެއް ނުވެގެން އެންމްއެންޑީއެފުން ހަރަކާތްތެރިވަމުން އަންނަކަމަށާއި އެ ހާދިސާގެ މައުލޫމާތު ލިބިފައިވަނީ ހުކުރު ދުވަހުގެ ހަވީރު 16:53 ހާއިރުކަމަށެވެ. މި ކުދިންގެ އިތުރުން މި ޑިންގީގައި ހުރީ ފިރިހެނެކެވެ.
ރާއްޖެއެމްވީއަށް މައުލޫމާތު ދެމުން އެމްއެންޑީއެފުން ބުނެފައިވަނީ، ޑިންގީއަކީ 20 ފޫޓު ހުރި ފިޔާތޮށި ކުލަ ލާފައިވާ ޑިންގީއެއްކަމަށާއި ޑިންގީ އާއި ބެހޭ އެއްވެސް މައުލޫމާތެއް ލިބިއްޖެނަމަ ލަސްނުކޮށް އެމްއެންޑީއެފް ކޯސްޓް ގާޑްގެ ހިލޭ ގުޅޭ ނަންބަރު 191 އަށް ގުޅުއްވުމަށް އެދޭކަމަށެވެ. މިހާތަނަށް އަދި ޑިންގީ ފެނިފައެއް ނުވެއެވެ.
