ކ. މާލެ
|
17 ޑިސެންބަރ 2019 | އަންގާރަ 14:26
ޕާކިސްތާނުގެ ކުރީގެ ރައީސް ޕްރްވޭޒް މުޝައްރަފް
ޕާކިސްތާނުގެ ކުރީގެ ރައީސް ޕްރްވޭޒް މުޝައްރަފް
ޑެއިލީ މެއިލް
ޕާކިސްތާނުގެ ކުރީގެ ރައީސް މުޝައްރަފް
ޕާކިސްތާނުގެ ކުރީގެ ރައީސް މުޝައްރަފް މެރުމަށް ހުކުމްކޮށްފި
 
މެރުމަށް ހުކުމްކުރީ ގާނޫނުއަސާސީގެ ބާރު ކަނޑުވާލި މައްސަލާގައި
 
ހުކުމް ކޮށްފައިވަނީ ޣައިރު ހާޒިރުގައި
 
އޭނާގެ މައްޗަށް އުފުލާފައިވާ ދައުވާތަކަށް އޭނާ އިންކާރު ކުރައްވާ

ޕާކިސްތާނުގެ ކުރީގެ ރައީސް އަދި މިލިޓަލީ ވެރިޔާ ޕަރްވޭޒް މުޝައްރަފް މެރުމަށް, އެ ޤައުމުގެ ކޯޓުން ހުކުމްކޮށްފި އެވެ.

ޕަރްވޭޒް މުޝައްރަފް މެރުމަށް ހުކުމް ކޮށްފައިވަނީ އޭނާގެ މައްޗަށް އުފުލާފައިވާ ގައުމަށް ޣައްދާރުވިކަމުގެ ކުށުގައި އެމައްސަލަ ބެލި ޕާކިސްތާނުގެ އެންޓި-ޓެރެރިޒަމް ކޯޓުންނެވެ.

މުޝައްރަފް މެރުމަށް ހުކުމް ކުރިއިރު އަމިއްލައަށް އަރުވާލެވިގެން އޭނާ ދިރިއުޅުއްވަމުން ގެންދަވަނީ ދުބާއީގަ އެވެ. އަދި 2016 ދުބާއީގައި އޭނާ ދިރިއުޅުއްވަމުން ގެންދަވާއިރު، އޭނާ މެރުމަށް ކޯޓުން ހުކުމް ކޮށްފަައި ވަނީ ވެސް އޭނާގެ ޣައިރު ހާޒިރުގަ އެވެ.

މުޝައްރަފް މެރުމަށް ކޮށްފައިވާ އެހުކުމް ސުޕްރީމް ކޯޓުގައި އިސްތިއުނާފު ކުރުމުގެ ހައްގު ލިބިގެންވެއެވެ.

މުޝައްރަފް މެރުމަށް ހުކުމް ކޮށްފައިވާއިރު، އޭނާގެ މައްޗަށް އުފުލާފައިވާ ދައުވާތަކަށް އޭނާ ގެންދަވަނީ ދެކޮޅު ހައްދަވަމުންނެވެ.

މުޝައްރަފްގެ މައްޗަށް ދައުވާ ކޮށްފައިވަނީ 2007 ވަނަ އަހަރު ގާނޫނުއަސާސީގެ ބާރު ކަނޑުވާލައި ކުއްލި ހާލަތު އިއުލާން ކުރި މައްސަލައިގަ އެވެ. އަދި މިމައްސަލައިގައި ޝަރީއަތް ފަށާފައި ވަނީ 2014 ވަނަ އަހަރު އެވެ.

މުޝައްރަފު ޕާކިސްތާނުގެ ވެރިކަމަށް އަރާ ވަޑައިގަތީ ޕާކިސްތާނުގެ އަސްކަރިއްޔާގެ ވެރިޔާގެ ގޮތުގައި ހުންނަވައިގެން ކުރެއްވި ބަޣާވާތެއްގައި 1999 ވަނަ އަހަރެވެ.

ނުވަ އަހަރުވަންދެން ވެރިކަން ކުރެއްވި މުޝައްރަފު ރައީސް ކަމުގެ މަގާމުން އިސްތިއުފާ ދެއްވީ 2008 ވަނަ އަހަރު އެގައުމުގެ އާއްމު އިންތިހާބު ކާމިޔާބު ކުރި ޕާކިސްތާން ޕީޕަލްސް ޕާޓީން އޭނާ މަގާމުން ދުރުކުރުމުގެ މަސައްކަތް ފެށުމުންނެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
20%
40%
0%
0%
40%
0%
ކޮމެންޓް
17 ޑިސެންބަރ 2019 | އަންގާރަ 19:10
? އެދުރު ހަސަން
މިހާރު ޖަލުގައި އޮތް ރާއްޖޭގެ ވެރިކަން ކުރި ޔާމީން ވެރިކަން ކުރީ މުޝައްރަފު މިސާލަކައް ބަލައިގެންތާ. ދައުވާ ވެސް އެއްގޮތަކައް ކުރެވެންވާނެ. ގާނޫނުގެ ބާރު ކަނޑުވާލި، މަޖުލިސް މެމްބަރުން ފާރުމަތިން ހޫރާލި. ސްޕްރީމުކޯޓުގެ ފުރާޅުގެ ޓިނު ނައްޓާ ފަޑިޔާރުންނައް އަނިޔާ ކޮއް ހިފާ ހައްޔަރު ކޮއް ނުގަވާއިދުން ޖަލައްލި. އެތައް ރައިއްޔަތަކައް އަނިޔާދީ ބޮޑެތި ވައްކަން ކޮއްފި. ދައުވާ ކުރެވުނީ ގާނޫނުގައި އެއްމެ ކުޑަ އަދަބެއް ކަނޑަ އެޅޭނެ ދައުވާ. ދެން ކުރި އެހެނިހެން ކުއްތަ ކޮބާ. އެއްމެ އަދަބަކުން މައުސޫމު ކުއްޖަކައްވީތަ؟
17 ޑިސެންބަރ 2019 | އަންގާރަ 14:33
ވަގުން
ވަގުން