ކައުންސިލް އިންތިހާބުގައި 900 އަށްވުރެ ގިނަ ކައުންސިލަރުން އިންތިހާބު ކުރާނެ: އީސީ
އަންހެނުން ކޮމިޓީއަށް 929 މެމްބަރުން އިންތިހާބު ކުރަން ހަމަޖެހިފައިވޭ
އިލެކްޝަންސް ކޮމިޝަންގެ ބައެއް މެމްބަރުން، ރައްޔިތުންގެ މަޖިލީހުގެ ކޮމެޓީއެއްގައި
އަންނަ އަހަރުގެ އޭޕްރީލް ހަތަރު ވަނަ ދުވަހު ބާއްވާ ލޯކަލް ކައުންސިލްގެ އިންތިހާބުގައި 900 އަށްވުރެ ގިނަ ކައުންސިލަރުން އިންތިހާބުކުރާނެ ކަމަށް އިލެކްޝަން ކޮމިޝަނުން ބުނެފި އެވެ.
އީސީން ބުނީ، މި ފަހަރުގެ ލޯކަލް ކައުންސިލް އިންތިހާބުގައި އަންހެންގެ ތަރައްގީއަށް މަސައްކަތްކުރާ ކޮމިޓީއަށް 929 މެމްބަރުން އިންތިހާބު ކުރެވޭނެ ކަމަށެވެ. އަދި ކައުންސިލްތަކަށް 980 މެމްބަރުން އިންތިހާބު ކުރެވޭނެ ކަމަށްވެސް އީސީން ބުންޏެވެ.
ލޯކަލް ކައުންސިލްތަކަށް އިންތިހާބު ކުރާ މެމްބަރުން އަދަދު އީސީން ހަމަކޮށްފައިވާއިރު، މިހާރުން ފެށިގެން ކައުންސިލް އިންތިހާބުގެ ކެމްޕޭން ވަނީ ފަށާފައެވެ. ރާއްޖޭގެ އެންމެ ބޮޑު ޕާޓީ ކަމަށްވާ އެމްޑީޕީން ވަނީ ކައުންސިލް އިންތިހާބުގެ ޕްރައިމަރީ އެއް ބާއްވަން ހަމަޖައްސާފައެވެ.
ރައްޔިތުންގެ މަޖިލީހުން ވަނީ ދާދި ފަހުން ލާމަރުކަޒީ ގާނޫނަށް އިސްލާހުތަކެއް ގެނެސްފައެވެ. އެގޮތުން 3000 މީހުންނަށް ވުރެ ބޮޑު އާބާދީއެއް ހިމެނޭ ރަށެއްނަމަ 7 ކައުންސިލް މެމްބަރުން އިންތިޚާބު ކުރާ ގޮތަށް ފާސްކުރި އިސްލާހާއި، ފަސް ކައުންސިލަރުންގެ މައްޗަށް އެކުލެވޭ ކޮންމެ ކައުންސިލެއްގައި ދެ އަންހެން ކައުންސިލް މެންބަރުން ހިމެނުމަށާއި، ހަތް ކައުންސިލް މެންބަރުންގެ މައްޗަށް އެކުލެވޭ ކައުންސިލުތަކުގައި ތިން އަންހެން މެންބަރުން ހިމެނުމަށް ލާޒިމުކޮށްފައިވެއެވެ.
