އޮކްޓޯބަރު މަހު ރާއްޖޭގެ އިންފްލޭޝަން މަތިވެއްޖެ
އޮކްޓޯބަރު މަހު އިންފްލޭޝަން އެންމެ މައްޗަށް ގޮސްފައިވަނީ ތަރުކާރީގެ ބާވަތްތަކުން
މާރުކޭޓް ގޮޅިއެއްގައި މީހަކު ތަކެތި ވިއްކުމުގައި ހަރަކާތްތެރިވަނީ
އޮކްޓޫބަރު މަހު ރާއްޖޭގެ އިންފްލޭޝަން ރޭޓް 0.28 ޕަސެންޓް މަތިވެއްޖެއެވެ.
ނޭޝަނަލް ޕްލޭނިންގް އިން އާންމުކޮށްފައިވާ ކޮންސިއުމާރ ޕްރައިސް އިންޑެކްސްގެ ހިސާބުތައް ދައްކާގޮތުން އޮކްޓޯބަރު މަހުގެ އިންފްލޭޝަން ސެޕްޓެމްބަރު މަހަށް ވުރެން 0.5 އިންސައްތަ މައްޗެވެ. ސެޕްޓެމްބަރު މަހު ރާއްޖޭގެ އިންފްލޭޝަން ރޭޓް ހުރީ 0.23 ގައެވެ.
އޮކްޓޯބަރު މަހު އިންފްލޭޝަން އެންމެ ބޮޑަށް މައްޗަށް ގޮސްފައިވަނީ ތަރުކާރީ ބާވަތްތަކުންނެވެ. އެގޮތުން ތަރުކާރީގެ ބާވަތްތަކުން އިންފްލޭޝަން ވަނީ 8.27 އިންސައްތަ މަތިވެފައެވެ. މުވާސަލާތީ ހިދުމަތަށް ބަލާއިރު 2.29 އިންސައްތަ މަތިވެފައިވާއިރު ދިރިއުޅޭ ތަންތަނުގެ ކުލިން ވަނީ 0.84 އިންސައްތަ މަތިވެފައެވެ. ބޯފެނުގެ އިންފްލޭޝަންވެސް ވަނީ 0.64 އިންސައްތަ މަތިވެފައެވެ.
