ރާއްޖެ
އެމްއެންޑީއެފް
އަރިއަޅާލި ލޭންޑިން ކްރާފްޓުން މުދާ ހުސްކޮށްފި
ޕަންޕް ބޭނުންކޮށްގެން ފެން ހިންދުމުގެ މަސައްކަތް ދަނީ ކުރަމުން
އަމްނާ އިމާދު, ރާއްޖެ އެމްވީ | 10 ޑިސެމްބަރު 2019 | އަންގާރަ 07:39
\"އަމިން ކެރިއަރ - 2\" ނަމަކަށް ލޭންޑިން ކްރާފްޓް އަރިއަޅާލާފައި
ހުޅުމާލޭ ޖެޓީގައި މުދާ ބަރުކުރަމުން ދަނިކޮށް އަރިއަޅާލި "އަމިން ކެރިއަރ - 2" ނަމަކަށް ލޭންޑިން ކްރާފްޓްގެ މުދާ ހުސްކޮށްފައިވާ ކަމަށް އެމްއެންޑީއެފުން ބުނެފި އެވެ.
އެމްއެންޑީއެފުން ބުނީ ހުޅުމާލޭ ޖެޓީގައި މުދާ ބަރުކުރަމުންދިޔަ ލޭންޑިން ކްރާފްޓެއް އަރިއަޅާލައިގެން އުޅޭކަމުގެ ރިޕޯޓް ހޯމަދުވަހުގެ ރޭ 00:32 ހާއިރު ލިބިފައިވާ ކަމަށެވެ.
ލޭންޑިން ކްރާފްޓް ދިޔަވާތީ މިހާރު ޕަންޕް ބޭނުންކޮށްގެން ފެން ހިންދުމުގެ މަސައްކަތް ކުރަމުންދާ ކަމަށް އެމްއެންޑީއެފުން ބުންޏެވެ.
ރިޕޯޓު ލިބުމާއެކު ކޯސްޓްގާޑުން މަސައްކަތް ފެށިނަމަވެސް ލޭންޑިން ކްރާފްޓް އަދިވެސް ފުންނުކުރެވޭ ކަމަށް އެމްއެންޑީއެފުން ބުންޏެވެ.
