ހޯމަ 10 އޯގަސްޓު 2020
13 އަހުލިހަ
1441 ޒުލްޙައްޖު 20
ފަތިސް 04:47
އިރުއަރާ 06:02
މެންދުރު 12:15
އަސްރު 15:31
އިރުއޮއްސޭ 18:21
އިޝާ 19:36
ސައުތް އޭޝިއަން ގޭމްސް

ޒުވާން ޝޫޓަރ ޒިޔާން ރަނގަޅު ވާދައެއް ކޮށްފި

  • ގޭމްސްގައި ރާއްޖޭގެ ޝޫޓަރުން އަންނަނީ ކުރި އެރުންތަކެއް ހޯދަމުން

ކ. މާލެ | 8 ޑިސެންބަރ 2019 | އާދީއްތަ 20:25 | 10,942

ޒުވާން ސޫޓަރ ޒިޔާން - މޯލްޑިވްސް އޮލިމްޕިކް ކޮމިޓީ

ނޭޕާލުގައި މިހާރު ކުރިޔަށްދާ ސައުތް އޭޝިއަން ގޭމްސްގެ ޝޫޓިންގ 10 މީޓަރު އެއާ ފިސްތޯލްގެ ކޮލިފިކޭޝަންގެ ގްރޫޕް އެކެއްގައި ވާދަކޮށް ރާއްޖޭގެ ޒުވާން ޝޫޓަރ ޒިޔާން ޒިޔާއު ރަނގަޅު ވާދައެއް ކޮށްފިއެވެ.

އާދީއްތަ ދުވަހު ކުރިޔަށްދިޔަ ކޮލިފިކޭޝަން ބުރުގައި 17 މީހުން ވާދަކޮށްފައިވާއިރު ރާއްޖޭގެ ޒިޔާން ވަނީ 9 ވަނަ ހޯދައިފައެވެ. ފައިނަލް ބުރަށް ކޮލިފައިވާން ޒިޔާން އަށް މަދުވީ އެންމެ ޕޮއިންޓެކެވެ.

މިއީ މިއަހަރުގެ ގޭމްސްގައި ރާއްޖޭގެ ސޫޓަރެއް ނެރުނު އެންމެ ރަނގަޅު ނަތީޖާ އެވެ. ކޮލިފިކޭޝަނުގެ ނުވަ ވަނައިގައި ޒިޔާން އޮތީ 561 ހޯދައިގެންނެވެ. އޭނާ އާއި އެނެމް ކައިރިން ވާދަކޮށް އަށްވަނަ އަށް ވަނަ އަށް ގޮސް ފައިނަލް ބުރަށް ދަތުރުކުރި ސްރީލަންކާގެ ފެނާންޑޯއަށް ހަމަކުރެވުނީ 562 ކެވެ.

ގޭމްސްގައި ވާދަކުރާ ރާއްޖޭގެ އަންހެން ދެ ޝޫޓަރުން

މިފަހަރުގެ ގޭމްސްގެ ޝޫޓިންގައި ރާއްޖެއިން ދަނީ ބޮޑެތި ކުރިއެރުންތަކެއް ހޯދަމުންނެވެ. ހާއްސަކޮށް މި ގޭމްސްގައި ވާދަކުރާ ރާއްޖޭގެ އަންހެން ދެ ޕެއާ ވަނީ ގައުމީ ރެކޯޑު އާކޮށްފައެވެ. ގައުމީ ރެކޯޑް އެންމެ ފުރަތަމަ ހެދީ އެއާރ ރައިފަލް ކެޓަގަރީން އާސިފާ ޖައުފަރު (އާސީ) އެވެ. އެއާ ރައިފަލް 10 މީޓަރ ގެ އަންހެން ކޮލިފިކޭޝަންގައި އޭނާ ވަނީ 589.3 އަށް ޖަހާފައެވެ.

ކުރިންވެސް އެ ރެކޯޑް އޮންނަނީ އޭނާ އަތުގައެވެ. އެއީ މިދިޔަ މަހު ގަތަރުގެ ވެރިރަށް ދޯހާގައި ބޭއްވި އޭޝިއަން ޝޫޓިން ޗެމްޕިއަންޝިޕްގަ އެވެ. ގަތަރުގެ މުބާރާތުގައި އާސީ ވަނީ 574.3 އަށް ޖަހާފައެވެ.

މި ގޭމްސްގައި ދެން ގައުމީ ރެކޯޑެއް ހެދީ، އަންހެން 10 މީޓަރު އެއާ ޕިސްޓޯލް ކެޓަގަރީގައި ވާދަކުރި ރިއުޝާ މުހައްމަދެވެ. މި ފަހަރުގެ ގޭމްސްގައި އޭނާ ޖެހީ 546 އަށެވެ. އެ ރެކޯޑް ކުރިން އޮތީ އޭނާ އަތުގައެވެ. އެއީ އިންޑޮނޭޝިއާގައި މިދިޔަ އަހަރު ބޭއްވި އޭޝިއަން ގޭމްސްގަ އެވެ. އެ މުބާރާތުގައި އޭނާ ރެކޯޑް ހެދީ 531 ށް ޖަހައިގެންނެވެ

މި ގޭމްސްގައި ވާދަކުރާ ރާއްޖޭގެ 14 ޝޫޓަރުން މަސައްކަތްކުރަނީ މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ގައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.