ހޮނިހިރު 07 ޑިސެންބަރު 2019
11 ދޮށަ
1441 ރަބީޢުލްއާޚިރު 10
ފަތިސް 04:42
އިރުއަރާ 05:58
މެންދުރު 12:01
އަސްރު 15:22
މަޣްރިބް 17:56
އިޝާ 19:13
ކުޅިވަރު - ސައުތު އޭޝިއަން ގޭމްސް 2019

ސައުތު އޭޝިއަން ގޭމްސް: ރާއްޖޭގެ އަންހެން ޓީމްއަތުން ބޮޑު ނަތީޖާއަކުން އިންޑިއާ މޮޅުވެއްޖެ

  • މި މެޗް އިންޑިއާއިން ގެންގޮސްފައިވަނީ 5-0 ގެ ނަތީޖާއަކުން
  • އްޖޭގެ އަންހެން ޓީމްގެ ދެވަނަ މެޗް އޮންނާނީ ބުރާސްފަތި ދުވަހު، ނޭޕާލްއާ ދެކޮޅަށް

އައިޝަތު ޝާނީ
Shaaknee

ކ. މާލެ 3 ޑިސެންބަރު 2019 | އަންގާރަ 20:38 1,146

ރާއްޖޭގެ އަންހެން ފުޓްބޯޅަ ޓީމް - މޯލްޑިވްސް އޮލިމްޕިކް ކޮމިޓީ

ސައުތު އޭޝިއަން ގޭމްސްގައި ރާއްޖޭގެ އަންހެން ފުޓްބޯޅާ ޓީމާ ބައްދަލުކޮށް ބޮޑު ނަތީޖާއަކުން އިންޑިއާ މޮޅުވެއްޖެއެވެ.

އަންގާރަ ދުވަހު ކުޅުނު މެޗަކީ މި މުބާރާތުގައި ރާއްޖޭގެ އަންހެން ޓީމް ކުޅުނު ފުރަތަމަ މެޗަށްވާއިރު، މި މެޗް އިންޑިއާއިން ކާމިޔާބުކުރީ 5-0 ގެ ނަތީޖާއަކުންނެވެ.

މެޗް ފަށައިގެން ފަސް ވަނަ މިނިޓްގައި، ގްރޭސް ޑަންގްމަލްގެ ލަނޑަކާއެކު އިންޑިއާއިން ލީޑް ނަގާފައިވާއިރު، ފުރަތަމަ ހާފް ނިމުމުގެ ކުރިން އިތުރު ތިން ލަނޑު އިންޑިއާއިން ޖަހާފައިވެއެވެ. އެއީ، 24 ވަނަ މިނިޓާއި 33 މިނިޓުގައި ދޭވީ ނަންގޮމް ކާމިޔާބު ކުރި ގޯލްތަކެވެ.

ދެވަނަ ހާފުގައި އިންޑިއާގެ ޓީމުން އިތުރު ދެ ގޯލް ޖަހާފައިވާއިރު، އެއީ 87 ވަނަ މިނިޓްގައި މަނީޝާ ކަލްޔަން ޖެހި ލަނޑަކާއި 88 ވަނަ މިނިޓްގައި ތުދޫ ޖަބަމާނީގެ ގޯލްއެކެވެ.

މެޗަށްފަހު މީޑިއާތަކާ ވާހަކަ ދައްކަމުން އަންހެން ޓީމުގެ ކޯޗު އަހުމަދު ނާޝިދު (ނާދު) ބުނީ ބޮޑު ދަތުރެއް ކުރުމަށްފަހު ހަމަނުޖެހި އުޅެނިކޮށް މެޗެއް ކުޅެން ޖެހުމުން އުނދަގޫވި ކަމަށެވެ. މިއަދުގެ މެޗަށް ކުޅުންތެރިންގެ ފިޓްނެސް ހުރީ އެންމެ އެކަށީގެންވާ ލެެވެލްގައި ނޫންކަމަށް ވެސް ނާދު ވަނީ ފާހަގަ ކުރިއެވެ. ނާދު ވަނީ މެޗު ކުޅުނު ދަނޑާއި ޗޭންޖިންގް ރޫމްގެ ހާލަތު ވަރަށް ދެރަކަމަށް ބުނެފައެވެ. އަދި މިއީ އަންހެން ކުދިންނަށް މެޗު ކުޅެވޭނެ ގޮތަކަށް އިންތިޒާމް ކުރެވިފައިވާ މުބާރާތެއް ނޫންކަމަށް ކޯޗު ވަނީ ފާހަގަކޮށްފައެވެ.

ދިގު ދަތުރަކަށް ފަހު އަންހެން ޓީމަށް ނޭޕާލްއަށް ދެވުނީ ހޯމަ ދުވަހު، އަދި ހަތް ގަޑިއިރުގެ ބަހުގެ ދަތުރަކަށް ފަހު ކަތަމަންޑޫއިން މުބާރާތް އޮންނަ ޕޮކަހަރާ ސިޓީއަށް ދެވުނީ ހޯމަ ދުވަހުގެ ރޭގެ ވަގުތެއްގައެވެ.

ރާއްޖޭގެ އަންހެން ޓީމުގެ ދެވަނަ މެޗް އޮންނާނީ ބުރާސްފަތި ދުވަހު، ނޭޕާލްއާ ދެކޮޅަށެވެ. ރާއްޖެއާއި ލަންކާގެ މެޗް އޮންނާނީ އަންގާރަ ދުވަހެވެ.

އެއްވެސް ޕޮއިންޓެއް ނުލިބި، ރާއްޖޭގެ އަންހެން ޓީމު އޮތީ ޕޮއިންޓް ޓީމުގެ އެންމެ ފުލުގައެވެ. ސްރީ ލަންކާއަށް ވެސް މިހާތަނަށް ޕޮއިންޓެއް ލިބިފައެއް ނުވެއެވެ. ތިން ޕޮއިންޓާއެކު، އިންޑިއާއާއި ނޭޕާލް އޮތީ އެންމެ ކުރީގައެވެ.

އެންމެ ފަހުން އަޕްޑޭޓް ކުރީ: 4 ދުވަަސް ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް